[الشفا] شہوت کا غلبہ دنیا و آخرت میں نقصان دہ ہے

زیادہ کھانا پینا ، نیند اور حرص و شہوت پر دلالت کرتا ہے اور شہوت کا غلبہ دنیا و آخرت میں نقصان دہ ہے
زیادہ کھانا جسم کی بیماریاں ، سانس کی تنگی اور امتلاء دماغ کا موجب ہوتا ہے۔ اور کم کھانا پینا ، قناعت، نفس پر بھروسہ اور ذہن کی تیزی پر دلالت کرتا ہے۔
الشفا بتعریف حقوق المصطفیٰ ﷺ، مصنف ابوالفضل قاضی عیاض مالکی، مترجم حضرت سید مفتی غلام معین الدین نعیمی
👇 کمنٹ میں انتہائی ادب سے [بیشک] لکھیں اور فالو کریں!

ساتویں فصل | ضروریات زندگی کی اقسام سے پہلی قسم (حصہ 1)

ہم پہلے بیان کر چکے ہیں کہ زندگی کی ضروریات جس چیز کی خواستگار ہوتی ہیں ، ان کی تین قسمیں ہیں۔
اول : کمی کی فضیلت ، دوم : کثرت کی فضیلت ، سوم : مختلف حالتیں۔

لیکن کمی کی مدح و کمال شرعاً اور عادتاً ہر طرح بالا تفاق محمود ہے جیسے غذا اور نیند ( کہ کم غذا کھانا اور کم سونا تعریف کے لائق ہے) اہل عرب اور تمام حکما اس میں کمی کی ہمیشہ تعریف کرتے رہے ہیں اور ان میں زیادتی و کثرت کی برائی بیان کرتے رہے ہیں کیونکہ زیادہ کھانا پینا ، نیند اور حرص و شہوت پر دلالت کرتا ہے اور شہوت کا غلبہ دنیا و آخرت میں نقصان دہ ہے اور جسم کی بیماریاں ، سانس کی تنگی اور امتلاء دماغ کا موجب ہوتا ہے۔ اور کم کھانا پینا ، قناعت، نفس پر بھروسہ، قاطع شہوت ،موجب صحت، صفائے قلب اور ذہن کی تیزی پر دلالت کرتا ہے۔

جس طرح نیند کی زیادتی سستی ، کمزوری، کند ذہنی ،ضعف اعصاب ، کسل مندی، عاجزی کی عادت، بے فائدہ عمر کی اضاعت، قساوت قلب اور اس کی غفلت و موت پر شاہد ہے اور یہ بالکل بدیہی بات ہے اور ہمارے مشاہدے میں ہے اور گزشتہ امتوں اور حکیموں اور شعرائے عرب کے کلاموں میں اور اخبار و احادیث صحیحہ آثار سلف و خلف میں بتواتر منقول ہے جس پر کسی دلیل کی حاجت نہیں، ہم نے اس کو یہاں اختصارا اور (اس کی) شہرت کی بنا پر اسی پر اکتفا کیا۔

کتاب کا مکمل نام: الشفا بتعریف حقوق المصطفیٰ ﷺ
مختصر نام: الشفا شریف
مصنف: ابوالفضل قاضی عیاض مالکی اندلسی رحمۃ اللہ علیہ
مترجم: حضرت سید مفتی غلام معین الدین نعیمی رحمۃ اللہ علیہ

#Islam
#TibbeNabawi
#sleeping
#Sunnahofsleeping
#Sunnahofeating
#eating
#Islamiclifestyle
#Islamiceducation
#AlShifa
#غذا
#نیند
#IslamicHealth
#Shorts
#ThinkGoodGreen
#TGG