[فرمانِ مصطفیٰ] میں ٹیک لگا کر نہیں کھاتا

صحیح حدیث میں ہے کہ حضورﷺ نے فرمایا: ’’ خبردار! میں ٹیک لگا کر نہیں کھاتا ‘‘۔
حضور ﷺ کھانا اس طرح تناول فرماتے کہ آپ ﷺ پاؤں کے بل بیٹھ کر دونوں گھٹنے کھڑے رکھتے۔
مستند حوالہ: الشفا شریف، مصنف: ابوالفضل قاضی عیاض مالکی اندلسی رحمۃ اللہ علیہ
👇 کمنٹ میں انتہائی ادب سے [سبحان اللہ] لکھیں اور فالو کریں!

ساتویں فصل | ضروریات زندگی کی اقسام سے پہلی قسم (حصہ 4)

حضرت لقمان رضی اللہ عنہ کی حکمت میں ہے کہ اے میرے بیٹے جب تو معدہ کو بھرے گا تو تیری فکر سو جائے گی اور تیری حکمت گونگی ہو جائے گی اور تیرے خدا کی بندگی سے بیٹھ جائیں گے۔

سحنون رضی اللہ عنہ نے کہا کہ اس شخص کو علم فائدہ نہیں پہنچا تا جو اتنا کھائے کہ پیٹ بھر جائے۔

صحیح حدیث میں ہے کہ حضورﷺ نے فرمایا: ’’ خبردار! میں ٹیک لگا کر نہیں کھا تا‘‘ ۔

( صحیح بخاری ج ۷ ص ۶۲ سنن ابوداؤد ج۲ص ۱۴۰،سنن ابن ماجہ ج اص ۸۹)

ٹیک لگانا یہ ہے کہ کھاتے وقت سہارا لے اور بیٹھنے میں مکمل ٹیک لگانا یہ ہے کہ چوکڑی مار کر بیٹھے اور اسی کے مشابہ وہ نشست ہے جو بیٹھنے والا کسی پر تکیہ لگائے، ان صورتوں میں کھانے والا بہت کھا جا تا ہے۔

حضور ﷺ کھانا اس طرح تناول فرماتے کہ آپ ﷺ پاؤں کے بل بیٹھ کر دونوں گھٹنے کھڑے رکھتے (صحیح مسلم ج ۲ ص ۱۶۱۶)اور فرماتے ہیں کہ میں بندہ ہوں، اس طرح کھاتا ہوں جس طرح غلام کھاتا ہے اور اس طرح بیٹھتا ہوں جس طرح غلام بیٹھتا ہے۔
(مسند الفردوس ج اص ۳۴۱، طبقات ابن سعد ج اص ۳۸۱، مصنف عبدالرزاق ج ۱۰،ص ۱۱۵، تاریخ ابن عدی ج ۵ ص ۱۹۷۱)

اور محققین کے نزدیک ٹیک لگانے کے یہ معنی نہیں کہ کسی پہلو پر جھک جائے۔

اسی طرح حضورﷺ بہت کم سوتے تھے، اس پر بکثرت آثار صحیحہ شاہد ہیں، پھر بھی حضور ﷺ نے ارشاد فرمایا۔ ’’ اِنَّ عَيْنَیَّ تَنَامَانِ وَلَا يَنَامُ قَلْبِيْ‘‘ ۔ (صحیح بخاری ج ۴ ص۱۵۲ صحیح مسلم ج۱ ص ۵۰۹) بیشک میری دونوں آنکھیں سوتی ہیں لیکن میرا دل نہیں سوتا اور حضور ﷺ کی نیند داہنے پہلو پر ہوتی تھی، اس سے کم سونے پر مدد لیتے تھے۔ ( شمائل ترمذی ص ۲۱۹ عمل الیوم والیل ص۴۶۰)

کیونکہ بائیں طرف دل ہے اور وہ باطنی اعضا ہیں، بائیں طرف لیٹنے سے نیند میں خوشگوار اس کا دل معلق اور بے چین رہتا ہے تو جی وہ بیدار ہو جا تا ہے اور گہری نیند اس کو مستغرق نہیں کرتی۔


کتاب کا مکمل نام: الشفا بتعریف حقوق المصطفیٰ ﷺ
مختصر نام: الشفا شریف
مصنف: ابوالفضل قاضی عیاض مالکی اندلسی رحمۃ اللہ علیہ
مترجم: حضرت سید مفتی غلام معین الدین نعیمی رحمۃ اللہ علیہ

#Sunnah
#ProphetMuhammad
#Islamiclifestyle
#Sunnahofeating
#eating
#IslamicStatus
#AlShifaSharif
#Shorts
#IslamicShorts
#AlShifa
#غذا
#ThinkGoodGreen
#TGG