ছত্তীশগড়তো শংকৰদেৱৰ অমৰ সৃষ্টিক জীয়াই ৰখাৰ প্ৰয়াস ৰাজ্যপাল ৰমেন ডেকাৰ

মাজুলী: মহাপুৰুষ শ্ৰীমন্ত শংকৰদেৱৰ অমৰ সৃষ্টি ভাওনাই বৃহত্তৰ অসমীয়া সমাজখনক একত্ৰিত কৰি সমন্বয় আৰু ভাতৃত্ববোধৰ এক সেতু নিৰ্মাণ কৰি থৈ গৈছে । যাৰ বাবে অসমৰ বাহিৰত থাকিও ছত্তীশগড়ৰ ৰাজ্যপাল তথা জ্যেষ্ঠ ৰাজনীতিবিদ ৰমেন ডেকাই ভাওনা প্ৰদৰ্শনৰ প্ৰতি মন মেলিছে ৷ ৰাজ্যপালগৰাকীয়ে এই উদ্দেশ্য আগত ৰাখিয়েই দেওবাৰে নিশা মাজুলী ভ্ৰমণ কৰে ৷এই ভ্ৰমণৰ অংশ হিচাপে ৰমেন ডেকাই ঐতিহাসিক শ্ৰীশ্ৰীআউনীআটী সত্ৰ পৰিদৰ্শন কৰে ৷ এই পৰিদৰ্শনকালত সত্ৰাধিকাৰ ডঃ পীতাম্বৰ দেৱগোস্বামীৰ সৈতে ৰাজ্যপালগৰাকীয়ে এক সৌহাৰ্দপূৰ্ণ আলোচনাত মিলিত হয় । এই আলোচনাৰ পিছত সত্ৰাধিকাৰগৰাকীয়ে সংবাদ মাধ্যমৰ আগত জানিবলৈ দিয়া মতে, ৰমেন ডেকাৰ সৈতে সত্ৰখনৰ সম্পৰ্ক অতি পুৰণি আৰু ঘৰুৱা । মঙলদৈৰ সাংসদ হৈ থকাৰ সময়ৰে পৰা তেওঁ এই সত্ৰৰ সৈতে ওতঃপ্ৰোতভাৱে জড়িত হৈ আছিল ।আনহাতে, সত্ৰৰ এটি প্ৰায় ৩০ জনীয়া ভাওনাৰ দলক ছত্তীশগড়লৈ নি তাত মহাপুৰুষীয়া অংকীয়া ভাওনা (ৰুক্মিণী হৰণ) মঞ্চস্থ কৰাৰ বাবেও ৰাজ্যপালগৰাকীয়ে সত্ৰখনক আনুষ্ঠানিকভাৱে আমন্ত্ৰণ জনায় । ইয়াৰ পাছতে ৰাজ্যপাল গৰাকীয়ে শ্ৰীশ্ৰী উত্তৰ কমলাবাৰী সত্ৰ পৰিদৰ্শন কৰে ৷লগতে পঢ়ক: কেৰালামত ক্ষন্তেকীয়া বান, ভূমিস্খলনত ৬জনৰ মৃত্যু; ছয়খন জিলাত য়েল্ল’ এলাৰ্ট জাৰি