নগাঁৱত ডকাইতি: চিকিৎসকৰ পৰিয়ালক আক্ৰমণ কৰি লুটিলে ধন-সোণ

নগাঁও : বৃহস্পতিবাৰে নিশা নগাঁৱত সংঘটিত হয় এক চাঞ্চল্যকৰ ডকাইতিৰ ঘটনা । নগাঁও মৰিকলঙৰ এগৰাকী চিকিৎসকৰ ঘৰত সংঘটিত হয় এই চাঞ্চল্যকৰ ডকাইতি-কাণ্ড । চিকিৎসক ৰঞ্জিত শইকীয়াৰ ঘৰত নিশা ডকাইতে লুটপাত চলায় ।  ডকাইতৰ আক্ৰমণত গুৰুতৰভাৱে আহত হয় ডাঃ ৰঞ্জিত শইকীয়া আৰু তেওঁৰ পত্নী । আহত দুয়োকে প্ৰথমে স্থানীয় চিকিৎসালয়ত ভৰ্তি কৰোৱা হয় যদিও উন্নত চিকিৎসাৰ বাবে গুৱাহাটী চিকিৎসা মহাবিদ্যালয় হাস্পতাললৈ প্ৰেৰণ কৰা হয় ।ইফালে ডকাইতিৰ খবৰ লাভ কৰাৰ লগে লগে পুৱাতেই আৰক্ষীৰ দল লগত লৈ চিকিৎসকগৰাকীৰ বাসগৃহত উপস্থিত হয় নগাঁৱৰ জ্যেষ্ঠ আৰক্ষী অধীক্ষক পাৰ্থ প্ৰতিম দাস । ঘটনা সন্দৰ্ভত নগাঁও আৰক্ষীয়ে অনুসন্ধান আৰম্ভ কৰিছে ।এই সন্দৰ্ভত এগৰাকী স্থানীয় ব্যক্তিয়ে কয়, "ইয়াত ঘটনাটো কেতিয়া হৈছে নাজানো । তেওঁ আমাৰ ঘৰলৈ গৈছে পুৱা ৩ বজাত । আমাক জগাবলৈ গৈছে । আমাৰ ঘৰ অলপ দূৰৈত, তেতিয়াহে গম পাওঁ । মই আহি দেখিছোঁ তেওঁ পৰি আছে, মাতি আছোঁ নুঠে । মূৰৰ পৰা তেজ ওলাই আছে । লগে লগে গাড়ী লৈ আহি তেওঁলোকক হাস্পতাললৈ লৈ গৈছোঁ । বাচ্চাটো শুই আছে, একো কৰা নাই । গোটেই গডৰেজ খোলা । তেওঁ কোৱা মতে গোটেই গহনা-পাতি লৈ গৈছে, পইচা লৈ গৈছে । ৰডেৰে মাৰিছে । মুখত ক'লা কাপোৰ মেৰিওৱা সাত-আঠটামান ডকাইত আহিছে বুলি কৈছে ।"লগতে পঢ়ক :নগাঁৱৰ ৩৯ খন চৰকাৰী বিদ্যালয়ৰ মেট্ৰিকত শোচনীয় ফলাফল: প্ৰধান শিক্ষকক সকীয়নি জিলা আয়ুক্তৰ