ৰাজ্যত বানৰ সংহাৰী ৰূপ : ধুবুৰী জিলাত ক্ৰমাৎ নৈৰ জলস্তৰ বৃদ্ধি

ধুবুৰী : আহাৰ মহীয়া বানে ৰাজ্যত ক্ৰমাৎ সংহাৰী ৰূপ ধাৰণ কৰিছে ৷ ৰাজ্যৰ অন্যান্য প্ৰান্তৰ লেখীয়াকৈ ধুবুৰী জিলাতো বাঢ়নী নৈৰ পানীৰ স্তৰ বহু বৃদ্ধি পাইছে ।ধুবুৰী জিলা দুৰ্যোগ প্ৰশমন বিভাগৰ প্ৰকল্প বিষয়া মোফাৰ্জেল সৰকাৰে কয়, ‘‘জিলাখনৰ মাজেৰে বৈ যোৱা গৌৰাং, টিপকাই, চম্পাৱতী, গংগাধৰ নৈৰ পানী বৃদ্ধি পাই আছে ৷ জিলাখনৰ নৈ পৰীয়া অঞ্চলত এলাৰ্ট জাৰী কৰা হৈছে ৷ "তেওঁ লগতে কয়, "নৈৰ বাঢ়নী পানীত যাতে কোনো লোকে নামি নাযায়, তাৰ বাবেও জিলা প্ৰশাসনে তীক্ষ্ণ দৃষ্টি ৰাখিছে । লগতে সম্ভাব্য বিপদৰ পৰা ৰাইজক ৰক্ষা কৰাৰ বাবে আপদা মিত্ৰ, ক্ষেত্ৰ বিষয়াক নৈপৰীয়া বিভিন্ন অঞ্চলত নিয়োগ কৰা হৈছে ৷’’সৰকাৰে লগতে কয়, ‘‘নদীপথ এলেকাত দূৰণিবটীয়া নাও চলাচলৰ ক্ষেত্ৰত সাৱধনতা অৱলম্বন কৰা হৈছে । জল পৰিবহন বিভাগক এই ক্ষেত্ৰত চোকা দৃষ্টি ৰখাৰ বাবে কোৱা হৈছে ৷’’লগতে পঢ়ক : আহাৰৰ বানত বুৰিছে জোনাই; বন্যাক্ৰান্তৰ খবৰ ল’লে মন্ত্ৰী কেশৱ‌ মহন্ত আৰু সুশান্ত বৰগোহাঁয়ে