খ্ৰাম-লোদাং-পাংচিৰ সুৰত মতলীয়া ডিমৰীয়াৰ লক্ষীগোগৰ তিৱাসকল

ডিমৰীয়া : কামৰূপ মহানগৰ জিলাৰ অন্তৰ্গত এটা বিশেষ অঞ্চল হৈছে ডিমৰীয়া ৷ চহৰৰ হাই-উৰুমিৰ পৰা কিছু পৃথক এই বিশেষ অঞ্চলটো ৷ কিন্তু বুধবাৰে ডিমৰীয়াৰ তিৱা গাঁও লক্ষীগোগত এক বিশেষ পৰিৱেশে বিৰাজ কৰা দেখা যায় ৷ খ্ৰাম-লোদাং-পাংচিৰ সুৰত ডিমৰীয়াৰ লক্ষীগোগবাসী মতলীয়া হৈ পৰা দেখা গৈছে ৷বুধবাৰে এই অঞ্চলটোৰ তিৱা ৰাইজে পৰম্পৰাগত পৰম্পৰাগত ৰীতি-নীতি আৰু ধৰ্মীয় বিশ্বাসৰ মাজেৰে অত্যন্ত উলহ-মালহেৰে ‘ছগ্ৰা টখ্ৰা পালা’ (বাঁহ নৃত্য) উদযাপন কৰে ।ধৰ্মীয় ৰীতি-নীতি অনুসৰি, উৎসৱৰ দিনা পুৱাৰ ভাগত ধৰ্মীয় পূজা-পাতল কৰা হয় । তাৰ পাছত গাঁৱৰ ডেকাসকলে চাং বা চামাদিৰ পৰা পৰম্পৰাগত বাদ্য 'খ্ৰাম লোদাং' গাঁৱৰ মুৰব্বীৰ ঘৰলৈ সন্মানেৰে অনা হয় ।গাঁৱৰ এজন ব্যক্তিয়ে কয়, ‘‘এই উৎসৱৰ মূল আকৰ্ষণ হ’ল খ্ৰাম, লোদাং আৰু পাংচিৰ সুৰত পৰিৱেশন কৰা 'টখ্ৰৰা পালা' নৃত্য । তিৱা সমাজত প্ৰচলিত জনবিশ্বাস অনুসৰি, এই ছগ্ৰা পূজা আৰু টখ্ৰৰা পালা নৃত্য পৰিৱেশন কৰিলে গাঁওখনৰ পৰা সকলো অপায়-অমংগল দূৰ হয়, কৃষিকাৰ্যত শস্যৰ শ্রীবৃদ্ধি ঘটে, সমাজত একতা আৰু ভাতৃত্ববোধ বৃদ্ধি পায় ।’’লগতে পঢ়ক : গোঁসাই উলিওৱা উৎসৱক লৈ উখল-মাখল যাদুনগৰী মায়ংলগতে পঢ়ক : চ্যুকাফা সমন্বয় ক্ষেত্ৰত সাত বিহু পালন