দুই কন্যাৰ সৈতে বৰক্ষেত্ৰী সমষ্টিৰ কংগ্ৰেছ প্ৰাৰ্থী দিগন্ত বৰ্মনৰ ভোটদান

নলবাৰী: আন আন প্ৰাৰ্থীসকলৰ দৰেই গণতান্ত্ৰিক অধিকাৰ সাব্যস্ত কৰিলে পূৰ্বৰ বিধায়ক তথা ৩৮ নং বৰক্ষেত্ৰী বিধানসভা সমষ্টিৰ এইবাৰৰ কংগ্ৰেছৰ প্ৰাৰ্থী দিগন্ত বৰ্মনে । মুকালমুৱাৰ ৰঘুনাথ চৌধাৰী উচ্চতৰ মাধ্যমিক বিদ্যালয়ৰ ভোটগ্ৰহণ কেন্দ্ৰত দুই জীয়ৰীৰ সৈতে বৃৃহস্পতিবাৰে পুৱা কংগ্ৰেছ প্ৰাৰ্থী দিগন্ত বৰ্মনে ভোটাধিকাৰ সাব্যস্ত কৰে ।প্ৰতিকূল বতৰৰ মাজতো সকলো ভোটাৰক স্বতঃস্ফুৰ্তভাৱে আহি ভোটদান কৰিবলৈ বৰ্মনে আহ্বান জনায় । বৰক্ষেত্ৰী সমষ্টিত কংগ্ৰেছ দলৰ ফলাফল ভাল হ’ব বুলি সংবাদ মাধ্যমৰ আগত সদৰী কৰে দিগন্ত বৰ্মনে ।নিৰ্বাচন আয়োগৰ তথ্য অনুসৰি বৃহস্পতিবাৰে ৰাজ্যৰ ১২৬ টা বিধানসভা সমষ্টিত ৭২২ গৰাকী প্ৰাৰ্থীৰ ভাগ্য ২,৫০,৫৪,৪৬৩ গৰাকী ভোটাৰে নিৰ্ধাৰণ কৰিব । ইয়াৰ ভিতৰত ১,২৫,৩১,৫৫২ গৰাকী পুৰুষ, ১,২৫,২২,৫৯৩ গৰাকী মহিলা আৰু ৩১৮ গৰাকী তৃতীয় লিংগৰ ভোটাৰ ।লগতে পঢ়ক : তামুলপুৰত সংঘটিত নিৰ্বাচনী হিংসাক গৰিহণা প্ৰমোদ বড়োৰ, উচিত বিচাৰৰ দাবী