নেপালত জলপ্ৰলয়: এফালৰ পৰা সকলো ধ্বংস

উত্তৰ নেপালত হঠাতে পাহাৰৰ পৰা নামি অহা পানীৰ ধলে সীমান্ত অঞ্চলত বিস্তৰ ক্ষতিসাধন কৰে ৷ বানে ৰাছুৱা জিলাৰ টাইমুৰৰ লগতে কাষৰীয়া ছ্যাফ্ৰুবেছি অঞ্চলত ঘৰ-দুৱাৰ, যান-বাহন, অন্যান্য সা-সম্পত্তি উটুৱাই লৈ যায় । ইয়াৰ পাছতেই নিম্নভূমিৰ কেইবাখনো জিলাত হাই এলাৰ্ট জাৰি কৰা হয় ৷নেপালৰ বানৰ বাবে বিহাৰৰ গণ্ডক নদীৰ জলপৃষ্ঠ বৃদ্ধি পোৱাৰ আশংকা কৰা হৈছে । বিহাৰ চৰকাৰ, দুৰ্যোগ ব্যৱস্থাপনা বিভাগ, জিলা প্ৰশাসনে কেইবাখনো জিলাত হাই এলাৰ্ট জাৰি কৰিছে । প্ৰশাসনে গণ্ডক নদীৰ কাষৰীয়া অ়ঞ্চলৰ লোকসকলক নদীৰ পৰা আঁতৰত থাকিবলৈ আহ্বান জনাইছে ৷