ডিব্ৰুগড়ত প্ৰায় ১.৪ কোটি মূল্যৰ নিষিদ্ধ সামগ্ৰী দাহ

ডিব্ৰুগড় : শুকুৰবাৰে আন্তঃৰাষ্ট্ৰীয় ড্ৰাগছ অপব্যৱহাৰ আৰু অবৈধ সৰবৰাহ বিৰোধী দিৱস পালন ৰাজ্যৰ ভিন্ন প্ৰান্তত । এই দিৱসৰ লগত সংগতি ৰাখি শুকুৰবাৰে ডিব্ৰুগড়ত একেলগে দাহ কৰা হ'ল প্ৰায় ১.৪ কোটি মূল্যৰ নিচাযুক্ত দ্ৰৱ্য ।আৰক্ষীয়ে জনোৱা মতে, ২০২৫ চনৰ ছেপ্টেম্বৰৰ মাহৰ পৰা চলিত বৰ্ষৰ জুন মাহলৈকে ডিব্ৰুগড়ৰ ভিন্ন প্ৰান্তত চলোৱা অভিযানত জব্দ হোৱা ২৭১ গ্ৰাম হেৰ'ইন আৰু ৭৭ কিলোগ্ৰাম গাঞ্জা ধ্বংস কৰে আৰক্ষীয়ে ৷ আৰক্ষীয়ে জনোৱা অনুসৰি, বিগত ৯ মাহে চলোৱা অভিযানত ১১২ টা ড্ৰাগছ আৰু গাঞ্জা সৰবাহকাৰীক গ্ৰেপ্তাৰ কৰাৰ লগতে ৭৬ টাকৈ গোচৰ ৰুজু কৰা হৈছে ।এই সন্দৰ্ভত আইজিপি অখিলেশ কুমাৰ সিঙে কয়, "বিগত বছৰৰ ছেপ্টেম্বৰ মাহৰ পৰা ডিব্ৰুগড় আৰক্ষীয়ে এনডিপিএছ আইনৰ অধীনত ৬৭টা গোচৰ ৰুজু কৰা হৈছে । দহন কৰা নিষিদ্ধ সামগ্ৰীখিনিৰ আন্তঃৰাষ্ট্ৰীয় বজাৰ মূল্য প্ৰায় ১.৪ কোটি । অসম আৰক্ষীয়ে ড্ৰাগছৰ বিৰুদ্ধে অভিযান অব্যাহত ৰাখিছে । ড্ৰাগছ ব্যৱসায়ীয়ে সদায় নতুন প্ৰজন্মক টাৰ্গেট কৰে ৷ ড্ৰাগছ খোৱাৰ ক্ষেত্ৰত সেয়ে ৰাইজে খবৰ পালে আৰক্ষীক জনাব লাগে ।"লগতে পঢ়ক:অম্বুবাচীৰ নিবৃত্তি: যথা ৰীতি অনুসৰি মুকলি হ’ল কামাখ্যা মন্দিৰৰ দুৱাৰ