কৃত্ৰিম বানত বুৰিল যোৰহাট: বাসগৃহত একাঁঠু পৰ্যন্ত পানী

যোৰহাট : এজাক বুৰষণতে যোৰহাটৰ আভিজাত্য উটি গ'ল । মঙলবাৰে সন্ধিয়া অহা কৃত্ৰিম বানৰ কৱলত পৰে যোৰহাট নগৰ । ফলত বাসগৃহত একাঁঠু পৰ্যন্ত পানী উঠে । বিশেষকৈ সদাব্যস্ত তৰুণ ফুকন পথ, তৰাজান, বঙালপুখুৰী, ৰজামৈদাম, নিউকলনী, চোলাধৰা, নিউভিল ৰোড, ক্লাব ৰোড, কুশল নগৰ, আটিলা গাঁও আদিকে ধৰি বহু চৰকাৰী-বেচৰকাৰী অনুষ্ঠান-প্ৰতিষ্ঠান, বাসস্থান কৃত্ৰিম বানত বুৰ যায় ।  আনহাতে জিলা আয়ুক্ত কাৰ্যালয়, গৃহৰক্ষী বাহিনীৰ কাৰ্যালয়, জ্য়েষ্ঠ আৰক্ষী অধীক্ষকৰ কাৰ্যালয়, বিষ্ণুৰাম বৰুৱা বজাৰ, স্কুল পৰিদৰ্শক কাৰ্যালয়, এনচিচি কাৰ্যালয় আদি এজাক বৰষুণত ডুব যোৱাত দুৰ্ভোগ ভুগিবলগীয়া হ'ল নগৰবাসী ।  লক্ষ্যণীয় যে যোৰহাটত ক্রমান্বয়ে বৃদ্ধি পাইছে কৃত্ৰিম বানৰ সমস্যা । পূর্বৰ তুলনাত বর্তমান ন ন স্থানত কৃত্রিম বানৰ সমস্যাই যোৰহাটবাসীক জুৰুলা কৰিছে । প্রধানকৈ পানী নিষ্কাশনৰ ব্যৱস্থা সু-পৰিকল্পিত নোহোৱা বাবেই এই সমস্যা ক্ৰমান্বয়ে বৃদ্ধি পাই আহিছে ।কৃত্ৰিম বান ৰোধৰ বাবে যোৰহাট পৌৰসভাই বিভিন্ন অভিলাষী আঁচনি গ্ৰহণ কৰিছিল যদিও সেই প্ৰকল্প ৰূপায়ণত দুৰ্নীতি সংঘটিত হোৱা বাবে সমস্যা সমাধান হোৱা নাই বুলিও অভিযোগ উত্থাপিত হৈছে । উল্লেখ্য় যে যোৰহাট পৌৰসভাই ছুপাৰ ছকাৰৰ জৰিয়তে নলাসমূহ পৰিষ্কাৰ কৰাইছিল যদিও তাতো সফল নহ'ল বুলি একাংশই ক্ষোভ প্ৰকাশ কৰিছে । লগতে পঢ়ক:গুৱাহাটীৰ ভয়াৱহ কৃত্রিম বানৰ কাৰণ আৰু ইয়াৰ সমাধানসূত্র:কাৰ্যকৰী হোৱা নাই বিশেষজ্ঞই দিয়া বিজ্ঞানসন্মত পৰামৰ্শনলা নে ৰাজপথ ধৰিবই নোৱাৰি, কৃত্ৰিম বানৰ কৱলত যোৰহাট নগৰ