বেবীক প্ৰত্যুত্তৰ সিংহলৰ

ধুবুৰী চিকিৎসা মহাবিদ্যালয় আৰু চিকিৎসালয়ৰ কাম-কাজক লৈ সন্তুষ্ট স্বাস্থ্যমন্ত্ৰী অশোক সিংহল ৷ ধুবুৰীৰ বিধায়িকা বেবি বেগমে চিকিৎসা মহাবিদ্যালয়ৰ সন্দৰ্ভত সদনত উত্থাপন কৰা প্ৰশ্নৰ উত্তৰ দিবলৈ মন্ত্ৰীগৰাকীয়ে এই কথা ব্যক্ত কৰে ৷ তেওঁ বেবী বেগমক প্ৰত্যুত্তৰ দি বিধানসভাত কয়, "ধুবুৰী চিকিৎসা মহাবিদ্যালয় আৰু চিকিৎসালয় আৰম্ভ হোৱা ৪ বছৰহে হৈছে ৷ তথাপিও এই চিকিৎসা মহাবিদ্যালয়খন স্বাস্থ্য সেৱাৰ মান অতিকে সন্তোষজনক । মই নিজেই গৈ পৰ্যবেক্ষণ কৰিছো ৷ আৰু ৬ বছৰৰ পাছত এইখন এখন খুব উন্নত মানদণ্ডৰ চিকিৎসা মহাবিদ্যালয় হ’ব বুলি মই আশাবাদী ৷ চিকিৎসালয়খনৰ বিষয়ত অসম বিধান সভাৰ অধিৱেশনত বক্তব্য ৰাখিবলৈ পাই সুখী অনুভৱ কৰিছোঁ ।"