সোলেঙী নৈয়ে গহপুৰত খহালে পকী দলং, যাতায়ত বিচ্ছিন্ন

বিশ্বনাথ : এসময়ত গহপুৰৰ চকুপানী স্বৰূপ হৈ পৰা সোলেঙী নৈৰ পুনৰ ভয়ংকৰ ৰূপ ৷ সোমবাৰে ৪১৫নং ৰাষ্ট্ৰীয় ঘাইপথৰ পৰা এনচি সোণাপুৰ সংযোগী পথত থকা পকী দলঙৰ পুৱ দিশৰ এটা বৃহৎ অংশ খহাই নিয়ে ৷ যাৰ বাবে যাতায়ত ব্যাহত হৈ পৰিছে কেইবাখনো গাঁৱৰ ৰাইজৰ ৷স্থানীয় ৰাইজে উল্লেখ কৰা অনুসৰি, ৪১৫নং ৰাষ্ট্ৰীয় ঘাইপথত থকা পকী দলঙৰ এটা অংশ খহাই নিয়াত এনচি সোণাপুৰ, মধ্য সোণাপুৰ, উত্তৰ সোণাপুৰ, সোণাপুৰ ফৰেষ্ট, ৰঙাজান, ননকে সোলেঙী, ব্ৰহ্মপুৰকে ধৰি প্ৰায় ২০-৩০খন গাঁৱৰ ৰাইজৰ যাতায়ত বিচ্ছিন্ন হৈ পৰিছে ৷স্থানীয় ৰাইজৰ অভিযোগ অনুসৰি, সোলেঙী নৈৰ ওপৰত থকা দলঙখনৰ নিৰ্মাণত জৰিত ঠিকাদাৰৰ লগতে অভিযন্তাৰ চুড়ান্ত গাফিলতিৰ বাবেই বৃহত্তৰ অঞ্চলৰ ৰাইজে বৰ্তমান যাতায়াতৰ ক্ষেত্ৰত চৰম অসুবিধাৰ সন্মুখীন হৈছে ৷লগতে পঢ়ক: বানাক্ৰান্ত মাহমৰা অঞ্চল পৰিদৰ্শন মুখ্যমন্ত্ৰীৰ, বন্যাৰ্তক সহায়ৰ আশ্বাস