কাতি বিহুত বকুল তলত ৰবাব টেঙাৰ জুতি আৰু কবিৰ আড্ডা

কলিয়াবৰ : কাতি বিহুৰ বিয়লি কলিয়াবৰৰ বৰি গাঁৱৰ ৰাইজে বকুল তলৰ শীতল ছাঁত এক ব্যতিক্ৰমী অনুষ্ঠানৰ আয়োজনেৰে সজীৱ কৰি তুলিলে । শৰতৰ মিঠা বতাহজাকৰ সৈতে বকুলৰ সুবাস বুকুত বান্ধি অলপ হাঁহি-ধেমালি আৰু মন চুই যোৱা কবিতা, নিমখ-জলকীয়াৰে ৰবাব টেঙাৰ জুতিৰ লগতে কবিতা ভালপোৱাসকলৰ উপস্থিতিত সমগ্ৰ অঞ্চল প্ৰাণ পাই উঠিল ।কাতি বিহুৰ দিনা ধাননিৰ মাজত ৰবাব টেঙা খোৱাৰো এক দীৰ্ঘদিনীয়া পৰম্পৰা আছে । কিন্তু সময় সলনি হ'লেও একাংশ কবি আৰু বৰি গাঁৱৰ ৰাইজে সেই পৰম্পৰা ধৰি ৰখাৰ এক ব্যতিক্ৰমী পদক্ষেপ লৈছে । এই সন্দৰ্ভত এগৰাকী উদ্যোক্তাই কয়, "এইবছৰ প্ৰথমবাৰৰ বাবে কাতি বিহুত ৰবাব টেঙাৰ লগত কবিতাৰ আমেজ ল'ব বিচাৰিছোঁ । যিহেতু কবিসকলক গানৰ মজিয়াত বা বিহুৰ মঞ্চত নাপাও । সেয়ে কাতি বিহুৰ মঞ্চত কবিসকলক আগবঢ়াই নিয়াৰ চেষ্টা কৰিছোঁ । নতুন কিবা এটা আনিবলৈ চাইছোঁ । যাতে আগলৈও দৃষ্টান্ত হৈ ৰয় ।"লগতে পঢ়ক :বৰপেটাৰ ৰাখাল থানত ৩০ ঘণ্টীয়া কাতি বিহুৰ নাম প্ৰসংগ