জাপানীজ এনকেফেলাইটিছৰ প্ৰাদুৰ্ভাৱ : অসমৰ ভিতৰত দ্বিতীয় স্থানত আছে বৰপেটাত; মৃত্যু ৪ জনৰ

বৰপেটা : বৰপেটা জিলাত জাপানীজ এনকেফেলাইটিছ ৰোগৰ প্ৰাদুৰ্ভাৱ বৃদ্ধি হোৱা দেখা গৈছে । ইয়াৰ ফলত জিলাখনত ব্যাপক সতৰ্কতামূলক ব্যৱস্থা গ্ৰহণ কৰা হৈছে । শেহতীয়া তথ্য অনুসৰি জাপানীজ এনকেফেলাইটিছ আক্ৰান্তৰ সংখ্যাৰে বৰপেটা জিলা অসমৰ ভিতৰত দ্বিতীয় স্থানত আছে ।বৰপেটা জিলা মেলেৰিয়া বিষয়া জ্যোতিৰূপা দাসে সদৰী কৰে যে জিলাখনত জাপানীজ এনকেফেলাইটিছ সদৃশ ৰোগত আজিলৈকে ৫১ জন লোক আক্ৰান্ত হৈছে । ইয়াৰে ১৪ জন এই ৰোগত আক্ৰান্ত হোৱা বুলি এই পৰ্যন্ত নিশ্চিত কৰাৰ লগতে চাৰিজনৰ ইতিমধ্যে মৃত্যু হৈছে ৷ আনহাতে, এই সময়ছোৱাত বৰ্ধক্যজনিত কাৰণতো পাঁচজন লোকৰ মৃত্যু হৈছে ৷জিলা মেলেৰিয়া বিষয়াগৰাকীয়ে জনোৱা মতে, বৰপেটা জিলাত ডেংগি ৰোগেও দেখা দিছে ৷ জ্যোতিৰূপা দাসে কয়, ‘‘এই পৰ্যন্ত জিলাখনৰ ১৩ জন লোক ডেংগিত আক্ৰান্ত হৈছে ।‌ ইয়াৰে সংক্ৰমণৰ ফলত সাতজন লোক আক্ৰান্ত হৈছে ৷ এই ৰোগক প্ৰতিৰোধ কৰিবৰ বাবে বৰপেটা জিলাত ধোঁৱা দিয়া, ঔষধযুক্ত আঠুৱা বিতৰণ, সজাগতা সভা অনুষ্ঠিত কৰা আদি কাৰ্যসূচী ৰূপায়ণ কৰা হৈছে ৷’’তেওঁ ৰাইজক উদ্দেশ্যি কয়, ‘‘জ্বৰত আক্ৰান্ত হ’লে ফাৰ্মাছীৰ পৰা নিজে ঔষধ আনি সেৱন নকৰিব ৷ তাৰ পৰিৱৰ্তে চিকিৎসকৰ কাষ চাপক ৷’’লগতে পঢ়ক : আগতে আছিল মেলেৰিয়াৰ তাণ্ডৱ, এতিয়া আতংকৰ কাৰণ জাপানীজ এনকেফেলাইটিছলগতে পঢ়ক : বাৰিষাৰ স্বাস্থ্য় অভিযান : ডেংগুৰ উত্থান; মেলেৰিয়া- কলাজ্বৰ হ্ৰাস পোৱাৰ বিপৰীতে এনচিডি বৃদ্ধি