‘সাধুকথা নচলিব’

অসম বিধানসভাৰ ষষ্ঠদশ বাজেট অধিৱেশনৰ কামকাজৰ মাজতে অখিল গগৈৰ প্ৰশ্নক লৈ পুনৰ উত্তপ্ত হৈ পৰে সদন ৷ বিধানসভাত অনুপ্ৰৱেশকাৰীক লৈ ভাষণৰ মাজতে অসম চুক্তি দপ্তৰৰ মন্ত্ৰী অতুল বৰা আৰু বিধায়ক অখিল গগৈৰ মাজত আৰম্ভ হয় তীব্ৰ বাক-বিতণ্ডা ।বজালীৰ বিধায়ক ধৰ্মেশ্বৰ ৰয়ে কৰা প্ৰশ্নৰ উত্তৰ দিয়াৰ সময়তে বিধায়ক গগৈয়ে অসম চুক্তি প্ৰসংগত প্ৰশ্ন অৱতাৰণা কৰাক লৈ মন্ত্ৰী বৰা আৰু বিধায়ক অখিল গগৈৰ মাজত তীব্ৰ বাকযুদ্ধ হয় ৷অৱশেষত অধ্যক্ষ ৰণজিৎ কুমাৰ দাসে অখিল গগৈক শেষ সকীয়নি দি আনৰ প্ৰশ্নত অহেতুক হস্তক্ষেপ নকৰিবলৈ সৰ্তক কৰি দিয়ে ৷