বিৰোধীৰ সদন ত্যাগ

ছয় জনগোষ্ঠীৰ জনজাতিকৰণৰ বিষয়টোক লৈ সদনত উত্তপ্ত পৰিস্থিতিৰ সৃষ্টি হয় আৰু অখিল গগৈসহ কেবাজনো বিধায়কে সদন ত্যাগ কৰে ৷ বিৰোধী দলপতি তথা কংগ্ৰেছ বিধায়ক ৱাজেদ আলী চৌধুৰীয়ে এই বিষয়টো উত্থাপন কৰাৰ পাছতেই বিভাগীয় মন্ত্ৰী ডাঃ ৰণোজ পেগুৱে তেওঁৰ প্ৰশ্নৰ উত্তৰ দিয়ে ৷কিন্তু পেগুৰ উত্তৰৰ মাজতে ৰাইজৰ দলৰ বিধায়ক অখিল গগৈয়ে ছয় জনগোষ্ঠীৰ জনজাতিকৰণ কেতিয়া হ’ব, দিব নে নিদিয়ে বুলি প্ৰশ্ন কৰি সদনত উত্তপ্ত পৰিস্থিতিৰ সৃষ্টি কৰে ৷