হাতীৰক্ষা, বনমন্ত্ৰীৰ ভাষ্য

হাতী-মানুহৰ সংঘাত ৰোধ কৰিবলৈ চৰকাৰে দীৰ্ঘম্যাদী পৰিকল্পনা হিচাপে বনাঞ্চলৰ পৰিসৰ বৃদ্ধি, হাতীৰ খাদ্যৰ পৰ্যাপ্ত যোগানৰ ব্যৱস্থা লগতে পানীৰ সংৰক্ষণৰ ব্যৱস্থা কৰিছে ৷ অসম বিধানসভাত এই মন্তব্য মন্ত্ৰী জয়ন্ত মল্লবৰুৱাৰ ৷ তেওঁ লগতে বন্যহস্তীয়ে খেতি নষ্ট কৰিলে বিঘাই প্ৰতি ৮০০০ টকা ক্ষতিপূৰণ দিয়াৰ কথা ব্যক্ত কৰে ৷ ইয়াৰ উপৰি এই সমস্যা থকা অঞ্চলৰ বিধায়কৰ সৈতে বাজেট অধিৱেশনৰ পাছতেই আলোচনা কৰা বুলি জয়ন্ত মল্লবৰুৱাই সদনত কয় ৷