পৰম্পৰাগত ৰীতি-নীতিৰে ৰঙানদীত গৰু নোৱাই ধুৱাই আনন্দত মতলীয়া ৰাইজ

লখিমপুৰ: আজি গৰু বিহু । অসমীয়াৰ হেঁপাহৰ ৰঙালী বিহুৰ আজি প্ৰথমটো দিন । সকলোৱে গৰুক নোৱাই ধুৱাই পৰম্পৰাগত ৰীতি-নীতি পালন কৰে । লখিমপুৰ কেন্দ্ৰীয় ৰঙালী বিহু সন্মিলনে ৰঙানদীপৰীয়া ৰাইজৰ সহযোগত ৰঙানদীত আঞ্চলিক ভিত্তিত গৰু বিহু উদযাপন কৰে ।  লখিমপুৰৰ অন্যতম গৌৰৱ তথা সাংস্কৃতিক চিনাকি লখিমপুৰ কেন্দ্রীয় ৰঙালী বিহু সন্মিলনৰ উদ্যোগত মঙলবাৰে নগৰৰ সমীপৰ পাঁচ নৈ অঞ্চলৰ ৰাইজৰ সহযোগত ৰঙানদীত গৰু বিহু পালন কৰে । ৰাইজৰ সহযোগত ৰঙানদীত গৰু নোৱাই ধুৱাই সকলোৱে আনন্দ কৰে । পুৰুষ-মহিলা সকলোৱে গৰুক নোৱাই ধুৱাই বিহুগীত গাই, নাচি-বাগি বিহুৰ উন্মনা পৰিবেশ সৃষ্টি কৰি আপোন পাহৰা হৈ পৰে ।  গৰুক নোৱাই ধুৱাই নদীৰ পাৰতে সমূহীয়াভাৱে কণী যুঁজো অনুষ্ঠিত কৰা হয় । কণী যুঁজ আনুষ্ঠানিকভাৱে উদ্বোধন কৰে নৰ্থ লখিমপুৰ বিশ্ববিদ্যালয়ৰ পঞ্জীয়ক ড৹ বিমান চন্দ্র চেতিয়াই। কণী যুঁজৰ উপৰি অঞ্চলটোৰ বয়োজ্যেষ্ঠসকলক সম্বৰ্ধনা জ্ঞাপন কৰা হয় ।উল্লেখ্য যে লখিমপুৰ ৰঙালী বিহু সন্মিলনখন লখিমপুৰ নগৰৰ লখিমপুৰ চৰকাৰী উচ্চতৰ মাধ্যমিক বিদ্যালয়ৰ খেলপথাৰ বাকৰিত অহা ২৮ এপ্রিলৰ পৰা পাঁচদিনীয়াকৈ আয়োজন কৰা হৈছে ।লগতে পঢ়ক:জিআই টেগ লাভ কৰা গামোচাই শিপিনীলৈ আনিছে বিষাদৰ চকুলো, পাৱাৰলুম গামোচাৰ গ্ৰাসত থলুৱা শিপিনীৰ গামোচা !গৰুবিহুত দীঘলতী-মাখিয়তী কিয় ব্যৱহাৰ কৰা হয় ?