পানী কমিছে যদিও কমা নাই জাঁজীমুখৰ কুমলীয়া চাপৰিৰ ৰাইজৰ দুখ-কষ্ট

টীয়ক : আজিও বানৰ কৱলৰ পৰা মুক্ত হোৱা নাই জাঁজীমুখৰ কুমলীয়া চাপৰি । মানুহ, গৰু, গাহৰি, ছাগলী সকলোৱে একেলগে সহবাস কৰিছে । ব্ৰহ্মপুত্ৰৰ গৰা খহনীয়াত সৰ্বস্ব হেৰুওৱা এইসকল লোকক আজিৰ পৰা ১২ বছৰ পূৰ্বে জাঁজীমুখৰ এই অঞ্চলত সংস্থাপিত কৰা হৈছিল । পিছে বৰ্তমান তেওঁলোকৰ অৱস্থা আগতকৈও শোচনীয় হৈ পৰিছে । খেতি পথাৰ, পশুধনৰ বিস্তৰ ক্ষতি হৈছে । এই বানৰ সময়ছোৱাত চৰকাৰী বা বে-চৰকাৰীভাৱে বিভিন্ন সাহাৰ্য পাইছে যদিও কিমান দিন আৰু এইদৰে চলিব এইসকল ৰাইজ তাক লৈ এতিয়া প্ৰশ্ন উত্থাপন হৈছে ।গাৱঁৰ এজন ব্যক্তিয়ে কয়, "চৰকাৰে আমাক ইয়াত ভালকৈ থাকিবলৈ সংস্থাপন দিছিল যদিও ইয়াত এতিয়া বেছিহে পানী । যেতিয়ালৈকে কাৱৈমাৰীৰ মাথাউৰিটো ভালকৈ মেৰামতি নকৰে আমাৰ অৱস্থা এনেকুৱা হৈয়ে থাকিব । গোটেই জাঁজী নদীখন এইফালে বৈ আহে । আমাৰ সদায় এনেকুৱা অৱস্থা হৈ থাকে ।’’তেওঁ আৰু কয়, ‘‘আমি কৃষিজীৱী মানুহ । আমাৰ কৃষি, পশুধনৰ বিস্তৰ ক্ষতিসাধন হৈছে । পানীৰ ফলত খাদ্যৰ অভাৱত, অস্বাস্থ্যকৰ পৰিৱেশত বহু পশুধন বেমাৰত পৰিছে, মৰিছেও । চৰকাৰে চাপৰ অলপ দিলে যদিও সেয়া পৰ্যাপ্ত নহয় । সেয়ে আমাৰ এইবোৰ দীৰ্ঘদিনীয়া সমস্যা অনতি পলমে সমাধান কৰিবলৈ চৰকাৰক আহ্বান জনাইছো ।"লগতে পঢ়ক : পুনৰ বানত ডুব যাব পাৰে উজনি অসমৰ কেবাখনো জিলা: অৰুণাচল-নাগালেণ্ডত ধাৰাসাৰ বৰষুণলগতে পঢ়ক : উজনি অসমত পুনৰ বানৰ আশংকা: নীপকোৱে আকৌ খুলি দিলে তিনিখনকৈ গেট