বানাক্ৰান্তক চিকিৎসা সেৱা আগবঢ়াবলৈ কনকলতা অসামৰিক চিকিৎসালয়ৰ দলৰ যাত্ৰা

তেজপুৰ: নাগালেণ্ডৰ মন জিলাত হোৱা ধাৰাসাৰ বৰষুণ আৰু ঢলৰ ফলত দিখৌ–দিচাং নদীয়ে উজনি অসমৰ একাধিক জিলাত সৃষ্টি কৰা বান পৰিস্থিতি অপৰিৱৰ্তিত হৈ আছে । যোৰহাট, শিৱসাগৰ, চৰাইদেউ আদি জিলাৰ বহু অঞ্চল এতিয়াও পানীৰ তলত থকাৰ ফলত সাধাৰণ জনজীৱন বিপৰ্যস্ত হৈছে ।এই বানাক্ৰান্ত লোকসকলক স্বাস্থ্যসেৱা আগবঢ়োৱাৰ উদ্দেশ্যে তেজপুৰৰ বিধায়ক পৃথ্বীৰাজ ৰাভাৰ উদ্যোগত আৰু শোণিতপুৰ জিলাৰ আয়ুক্ত আনন্দ কুমাৰ দাসৰ সহযোগত তেজপুৰ কনকলতা অসামৰিক চিকিৎসালয়ৰ এটা বিশেষ চিকিৎসা দল উজনি অসমলৈ ৰাওনা হৈছে ।চিকিৎসক, নাৰ্ছ আৰু স্বাস্থ্যকৰ্মীৰে গঠিত এই দলটোৱে বান আশ্ৰয় শিবিৰ আৰু দুৰ্গম বানাক্ৰান্ত অঞ্চলত চিকিৎসা সেৱা, প্ৰয়োজনীয় ঔষধ বিতৰণ আৰু স্বাস্থ্য পৰামৰ্শ আগবঢ়াব । বানৰ পিছত পানীৰ পৰা হোৱা আৰু সংক্রামক ৰোগৰ আশংকা বৃদ্ধি পোৱাত এই চিকিৎসা অভিযান বিশেষ গুৰুত্বপূৰ্ণ বুলি স্বাস্থ্য বিভাগে উল্লেখ কৰিছে । প্ৰশাসনে সদৰী কৰা মতে, বান পৰিস্থিতি স্বাভাৱিক নোহোৱালৈকে উদ্ধাৰ, সাহাৰ্য আৰু চিকিৎসা সেৱা অব্যাহত থাকিব ।লগতে পঢ়ক:নিশা দৈয়াং জলবিদ্যুৎ প্ৰকল্পৰ চতুৰ্থখন গেটেৰে পানী এৰিলে নীপকোৱেলাইভ অসমৰ বানৰ আপডেট: বিগত ২৪ ঘণ্টাত বানত মৃত্যু ৬ জনৰ, মৃতকৰ মুঠ সংখ্যা ৪৭ জনলৈ বৃদ্ধি, এতিয়াও প্লাৱিত ১১ খন জিলা