ঢোল-পেঁপাৰ মাতত ৰজনজনাইছে লখিমপুৰ: ৬৮ সংখ্যক কেন্দ্রীয় ৰঙালী বিহু আৰম্ভ

লখিমপুৰ : লখিমপুৰ উচ্চতৰ মাধ্যমিক বিদ্যালয়ৰ খেলপথাৰত মঙলবাৰৰ পৰা পাঁচদিনীয়া কাৰ্যসূচীৰে ৬৮ সংখ্যক লখিমপুৰ কেন্দ্রীয় ৰঙালী বিহু সন্মিলনৰ আয়োজন কৰা হৈছে ৷ সৃষ্টি, সম্প্ৰীতি আৰু সমন্বয়ৰ বাৰ্তা বহন কৰা ঐতিহ্যবাহী লখিমপুৰ কেন্দ্রীয় ৰঙালী বিহু সন্মিলনৰ প্ৰথম দিনটোত বিভিন্ন জাতি জনগোষ্ঠীৰ বৰ্ণিল সংস্কৃতিৰ মূৰ্ত প্ৰকাশ ঘটে ।প্ৰথম দিনটোত বাহিৰ কৰা সাংস্কৃতিক শোভাযাত্রাত বিভিন্ন জাতি জনগোষ্ঠীৰ সোণসেৰীয়া সংস্কৃতিৰ  প্ৰকাশ ঘটে । বিহুৰ পৰা বিভিন্ন জাতি-জনগোষ্ঠীৰ নৃত্য-গীতৰ লহৰে লখিমপুৰৰ আকাশ -তাহ উজ্জীৱিত কৰি তোলে । ডঃ ভূপেন হাজৰিকা, জুবিন গাৰ্গৰ প্ৰতীকী উপস্থাপন, তেওঁলোকৰ গীতৰ লহৰ, অসমীয়া সমাজ জীৱনৰ লোকশিল্প, সমাজ জীৱনৰ সাংস্কৃতিক উপাদানসমূহৰ একাংশ, ধৰ্মীয় আখ্যানৰ চিত্রপট জীৱন্ত কৰি শোভাযাত্রাত প্ৰদৰ্শন কৰা হয় । ৬৮ সংখ্যক কেন্দ্রীয় ৰঙালী বিহু সন্মিলনখন অহা ২ মে’ত সামৰণি পৰিব ।বিহুৰ এগৰাকী আয়োজকে কয়, ‘‘সৃষ্টি, সম্প্ৰীতি আৰু সমন্বয়ৰ বতৰাৰে আজিৰে পৰা আৰম্ভ হৈছে লখিমপুৰ কেন্দ্রীয় ৰঙালী বিহু সন্মিলন ৷ আনতকৈ পৃথক লখিমপুৰ কেন্দ্রীয় ৰঙালী বিহু সন্মিলন ৷ সকলো ৰাইজ ওলাই আহিছে ৷ ডঃ ভূপেন হাজৰিকাৰ জন্মবাৰ্ষিকী বৰ্ষ হিচাবে এই বিহুৰ এটা অনুষ্ঠান তেওঁৰ নামত উছৰ্গা কৰা হৈছে ৷ কেৱল ডঃ ভূপেন হাজৰিকাই  নহয়, সদস্য প্ৰয়াত জুবিন গাৰ্গৰ নামতো এক অনুষ্ঠান উছৰ্গা কৰা হৈছে ৷’’লগতে পঢ়ক : পৰম্পৰা অক্ষুণ্ণ ৰাখি ডেৰশ বছৰীয়া ৰঙালী বিহু সন্মিলনৰ কুকুৰা যুঁজ