కార్తిక పౌర్ణమి స్పెషల్‌ - శివుణ్ని దర్శించుకున్న ఎలుగుబంట్లు- భక్తులకంటే ముందుగా రాక

Bears Halchal In Srikakulam : దేవుణ్ని దర్శించుకునేందకు వెళ్లిన వారికి గుడిలో గుండే పగిలేలా ఓ దృశ్యం ఎదురైంది. ఆలయం లోపలికి ఇలా వెళ్లగానే ఎలుగు బంటులు హల్‌చల్‌ చేస్తూ కనిపించాయి. ఈ ఘటన శ్రీకాకుళం జిల్లా మందస మండలం సువర్ణపురంలోని శివాలయంలో జరిగింది. కార్తిక పౌర్ణమి సందర్భంగా స్థానికంగా ఉండేవారు తెల్లవారుజామున శివుణ్ని దర్శించుకునేందుకు వెళ్లారు. లోపలికి ఇలా వెళ్లారో లేదో 3 ఎలుగుబంట్లు చొరబడ్డాయి. అలా అవి సంచరించడంతో ప్రజలు ఒక్కసారిగా భయాందోళనకు గురయ్యారు. ఎలుగుబంట్లు అటూ ఇటూ తిరుగుతూ కాసేపు అలజడి సృష్టించాయి. దీంతో స్థానికులు కర్రలతో బెదిరించారు. కాసేపటికి ఎలుగుబంట్లు సమీపంలోని తోటల్లోకి వెళ్లడంతో భక్తులు ఊపిరి పీల్చుకున్నారు.