ରଜ ପାଇଁ ଚଳଚଞ୍ଚଳ ଗାଁଠୁ ସହର; ଜଗତସିଂହପୁର କେନ୍ଦାଳଠାରେ ପାଳିତ ହେଲା ରଜ ମହୋତ୍ସବ

ଜଗତସିଂହପୁର: ଓଡ଼ିଶାର ଗଣପର୍ବ ରଜକୁ ନେଇ ଚଳଚଞ୍ଚଳ ଜଗତସିଂହପୁର ଜିଲ୍ଲା । ବିଶେଷ ଭାବରେ ଉପକୂଳ ଜିଲ୍ଲାଗୁଡ଼ିକରେ ରଜପର୍ବ ମହାଆଡମ୍ବର ସହ ପାଳନ ହୋଇଥାଏ । ରଜ ତିନି ଦିନ କୁମଆରୀମାନଙ୍କ ପାଇଁ ଉତ୍ସାର୍ଗୀକୃତ ହୋଇଥିଲେ ମଧ୍ୟ ଆବାଳବୃଦ୍ଧ ଏହି ଗଣପର୍ବରେ ସାମିଲ ହୋଇଥାନ୍ତି । ଜଗତସିଂହପୁର ଜିଲ୍ଲା ଏକ କୃଷି ପ୍ରଧାନ ଜିଲ୍ଲା ହୋଇଥିବା ବେଳେ ରଜ ପର୍ବ ଘରେ ଘରେ ପାଳନ ହୋଇଯାଇଛି ।ପ୍ରଥମ ଦିନ ପହିଲି ରଜ,ଦ୍ୱିତୀୟ ଦିନ ରଜ ସଂକ୍ରାନ୍ତି ତୃତୀୟ ଦିନ ଭୂମି ଦହନ ଓ ଚତୁର୍ଥ ଦିନ ବସୁମତୀ ସ୍ନାନ ପୂଜା କରାଯାଇ ଥାଏ । ଜଗତସିଂହପୁର ସଦର ଥାନା ଅନ୍ତର୍ଗତ ମଧୁସୁଦନପୁର ଶାସନ ଅନ୍ତର୍ଗତ କେନ୍ଦାଳ ଠାରେ ଜିଲ୍ଲାସ୍ତରୀୟ ରଜ ମହୋତ୍ସବ ଆୟୋଜିତ ହୋଇଯାଇଛି । ଏହି କାର୍ଯ୍ୟକ୍ରମରେ ବିଭିନ୍ନ ପ୍ରତିଯୋଗିତା ମଧ୍ୟ ଅନୁଷ୍ଠିତ ହୋଇଯାଇଛି । ରଜପର୍ବକୁ ନେଇ ସୋନି ପାତ୍ର କହନ୍ତି," ବର୍ଷକୁ ଥରେ ରଜ ମହୋତ୍ସବ ପାଇଁ ଆମେ ଅପେକ୍ଷା କରିଥାଉ । ରଜ ଆସିଲେ ଆମ ଅଞ୍ଚଳ ଚଳଚଞ୍ଚଳ ହୋଇ ଉଠେ। ନୂଆ ଡ୍ରେସ ସାଙ୍ଗକୁ ବିଭିନ୍ନ ପ୍ରକାର ପିଠାପଣା ଆମକୁ ବେଶ ଆନନ୍ଦ ଦେଇଥାଏ ।"ସେହିପରି ରଜପର୍ବକୁ ନେଇ ସ୍ଥାନୀୟ ମହିଳା ମମତା ରାଉତ କହିଛନ୍ତି,"ଜଗତସିଂହପୁର ଅଞ୍ଚଳରେ ରଜପର୍ବକୁ ବେଶ ଧୁମଧାମରେ ପାଳନ କରାଯାଏ । ଆମ ପିଲାବେଳେ ସୂର୍ଯ୍ୟଦୟ ପୂର୍ବରୁ ଆମ୍ଭେମାନେ ହଳଦୀ ଲଗାଇ ଗାଧୋଇ ସଜହୋଇ ଥାଉ । ପୋଡ଼ ପିଠାଠାରୁ ଆରମ୍ଭ କରି ରଜପାନ ଖାଇ ବନ୍ଧୁ ବାନ୍ଧବଙ୍କ ଘରକୁ ଯାଇଥାଉ । ସେ ସମୟରେ ପାଲା, ଦାସ କାଠିଆ ଆଦି ଗ୍ରାମରେ ପରିବେଷଣ ହେଉଥିଲା । ସେ ସମୟ ଆଉ ନାହିଁ। ତଥାପି ଅଧୁନିକତାର ଚାକଚକ୍ୟ ଭିତରେ ଆମ ସଂସ୍କୃତି ଓ ପରମ୍ପରାର ପ୍ରତୀକ ରଜପର୍ବ ଆଜି ବି ବଞ୍ଚି ରହିଛି । ଆମେ ଓଡ଼ିଆ ଆମ ପର୍ବ ପର୍ବାଣୀ ବହୁତ ବଢିଆ ।"ଏହା ମଧ୍ୟ ପଢନ୍ତୁ...କୋଣାର୍କରେ ତିନି ଦିନିଆ ରଜ ମହୋତ୍ସବ ଆରମ୍ଭ; ପର୍ଯ୍ୟଟକଙ୍କୁ ଆକୃଷ୍ଟ କରୁଛି ଓଡ଼ିଶାର ପାରମ୍ପରିକ ପିଠାପଣା - RAJA FESTIVAL CELEBRATION ଏହା ମଧ୍ୟ ପଢନ୍ତୁ...ନିଆଳିରେ ଜମିଲା ପହଲି ରଜ ଉତ୍ସବ, ସାମିଲ ହେଲେ ବବି ମିଶ୍ର, ପୋଡ଼ ପିଠା, ଦୋଳି ଖେଳରେ ମଜିଲେ କୁଆଁରୀ - NIALI RAJA CELEBRATION PROGRAMME

ଇଟିଭି ଭାରତ, ଜଗତସିଂହପୁର