আঁচনি আছে পানী নাই, ধোঁৱাচাঙত জল জীৱন মিছন

দক্ষিণ শালমাৰা মানকাচৰ: ধোঁৱাচাঙত চৰকাৰৰ জল জীৱন মিছন । বিগত ৬ মাহ ধৰি বন্ধ হৈ আছে দক্ষিণ শালমাৰা মানকাচৰ জিলা জনস্বাস্থ্য কাৰিকৰী বিভাগৰ অধীনৰ ফুলেৰচৰ দ্বিতীয় খণ্ড গাঁৱৰ কোকৰাডাঙা পিডব্লিউএছএছ ।সমগ্ৰ ভাৰত তথা অসমৰ প্ৰতিখন গাঁও আৰু দুৰ্গম অঞ্চলৰ নাগৰিকসকলে যাতে সহজে পৰ্যাপ্ত আৰু বিশুদ্ধ খোৱাপানী লাভ কৰে । তাৰ বাবে কেন্দ্ৰীয় চৰকাৰে জল জীৱন মিছন নামৰ অভিলাষী আঁচনি ৰূপায়ণ কৰিছে । যাৰ লক্ষ্য আছিল গ্ৰামাঞ্চলৰ প্ৰতিঘৰ পৰিয়াল লৈ টেপ সংযোগৰ জড়িয়তে বিশুদ্ধ খোৱা পানী যোগান ধৰা ।  কিন্তু দক্ষিণ শালমাৰা মানকাচৰ জিলা জনস্বাস্থ্য কাৰিকৰী বিভাগৰ অধীনৰ ২০২২-২৩ বিত্তীয় বৰ্ষৰ ফুলেৰচৰ দ্বিতীয় খণ্ড গাঁৱৰ কোকৰাডাঙা পিডব্লিউএছএছ বিগত ৬ মাহ ধৰি বন্ধ হৈ থকাত বিশুদ্ধ খোৱা পানীৰ পৰা বঞ্চিত হৈ আছে প্ৰায় ৫ শতাধিক পৰিয়াল । লগতে উক্ত আঁচনিৰ পানীৰ টেংকত লেতেৰা বস্তু পৰি থকা পৰিলক্ষিত হৈছে ।উক্ত আঁচনিৰ দায়িত্বত থকা জল মিত্ৰ আফছাৰুল সেখে কয়,"এই আঁচনিখন প্ৰায় ৬ মাহ ধৰি বন্ধ হৈ আছে । ট্ৰান্সফৰ্মা বহুদিনৰ পৰা নষ্ট হৈ আছে । বিগত ৬ মাহ ধৰি বন্ধ হৈ আছে আৰু বহুত লেতেৰা হৈ আছে । মই বহু ঠাইত অভিযোগ দিছোঁ । ইয়াত প্ৰায় ৫ শতাধিকৰো অধিক পৰিয়াল আছে । আমাৰ ইয়াত ডিজি আছে কিন্ত তেল নাই । সেইকাৰণে বিগত ৬ মাহ ধৰি এই আঁচনি বন্ধ হৈ আছে আৰু ৰাইজে বিশুদ্ধ খোৱাপানী পোৱা নাই ।"লগতে পঢ়ক: বেলিফুলে সলালে নগাঁৱৰ ৰাজপথৰ ৰূপছাত্ৰই টিফিনত আনিলে গো-মাংস ! হুলস্থূল এখন বিদ্যালয়ত