എറണാകുളം : തുടരും എന്ന ഹിറ്റിന് ശേഷം വീണ്ടും മോഹൻലാല്-തരുണ് മൂർത്തി കൂട്ടുകെട്ട്. തരുൺ മൂർത്തി സംവിധാനം ചെയ്യുന്ന ഏറ്റവും പുതിയ മോഹൻലാൽ ചിത്രത്തിന്റെ പേര് അനൗൺസ് ചെയ്തു. മോഹൻലാലിന്റെ കരിയറിലെ 366-ാമത് ചിത്രമാണിത്. 'അതിമനോഹരം' എന്നാണ് ചിത്രത്തിന്റെ പേര്.ആഷിക് ഉസ്മാൻ പ്രൊഡക്ഷൻസിന്റെ ബാനറിൽ ആഷിക് ഉസ്മാൻ ആണ് ചിത്രം നിർമ്മിക്കുന്നത്. ഒരു ഇടവേളക്കുശേഷം മീരാ ജാസ്മിൻ മോഹൻലാലിന്റെ നായികയായി എത്തുന്നു എന്ന പ്രത്യേകതയും ഈ സിനിമയ്ക്ക് ഉണ്ട്. ഇഷ്ക്, പുള്ളിക്കാരൻ സ്റ്റാറാ തുടങ്ങിയ സിനിമകൾ എഴുതിയ രതീഷ് രവിയാണ് അതിമനോഹരത്തിന് വേണ്ടി തൂലിക ചലിപ്പിക്കുന്നത്.
Comments