ଦୀପାବଳିରେ ମାଟି ଦିପର ଚାହିଦା, ବ୍ରହ୍ମପୁର ବଜାରରେ ଗ୍ରାହକଙ୍କ ଭିଡ

ବ୍ରହ୍ମପୁର: ଆଜି ଆଲୋକର ପର୍ବ ଦୀପାବଳି । ଗାଁ ଠୁ ସହର ଉତ୍ସବ ମୁଖର, ଏବେ ଠୁ ଶୁଭିଲାଣି ଢୋ ଢା, ସନ୍ଧ୍ୟା ହେଲେ ଜଳିବ ଦୀପ । ଖୁସିର ପର୍ବକୁ ଅଧିକ ଆକର୍ଷଣୀୟ କରିବା ପାଇଁ ସବୁଠି ଆରମ୍ଭ ହୋଇଗଲାଣି ପ୍ରସ୍ତୁତି। ରେଶମ ସହର ବ୍ରହ୍ମପୁରରେ ଦୀପାବଳି ଅବସରରେ ମେଲିଛି ଦୀପର ପସରା । ଟେରାକୋଟା ମାଟିଦୀପକୁ ବଜାରରୁ କିଣିନେଉଛନ୍ତି ଲୋକେ । ରାସ୍ତାକଡ ଠାରୁ ଆରମ୍ଭ କରି ବଜାରରେ ବିଭିନ୍ନ ପ୍ରକାର ରଙ୍ଗବେରଙ୍ଗର ଦୀପ ବିକ୍ରି ହେଉଛି ।  ଏଥି ସହ ଲକ୍ଷ୍ମୀ, ଗଣେଶଙ୍କ ମୂର୍ତ୍ତିକୁ ମଧ୍ୟ ପୂଜା କରିବା ପାଇଁ କିଣି ନେଉଛନ୍ତି ଗ୍ରାହକ । ଚାହିଦାକୁ ଦେଖି ଏହି ଟେରାକୋଟା ସାମଗ୍ରୀକୁ ମଧ୍ୟ ବହୁ ସୀମିତ ଦରରେ ବିକ୍ରି ମଧ୍ୟ କରାଯାଉଥିବା କହିଛନ୍ତି ବ୍ୟବସାୟୀ ମାନେ। ଜଣେ ବ୍ୟବସାୟୀ କହିଛନ୍ତି, " ମାଟି ଦୀପର ଅଧିକ ଚାହିଦା ରହିଛି । ମାଟି ମୂର୍ତ୍ତି ମଧ୍ୟ କିଣୁଛନ୍ତି । 20 ବର୍ଷ ହେଲା ମୁଁ ଦୀପ ବେପାର କରୁଛି । ଦୀପାବଳିରେ ଭପ ଲାଭ ମଧ୍ୟ ହେଉଛି । "ଏହା ମଧ୍ୟ ପଢନ୍ତୁ-ପୂଜାମଣ୍ଡପରେ କାହିଁକି ପୂଜା ପାଆନ୍ତି ଛିନ୍ନମସ୍ତା କାଳୀ ? କାହିଁକି ମା' ନିଜ ମସ୍ତକ ଛେଦନ କରିଥିଲେ !ଇଟିଭି ଭାରତ, ବ୍ରହ୍ମପୁର