ଶୋଭନା ମହାନ୍ତି Exclusive; 'ପ୍ରତ୍ୟେକ ନାରୀଙ୍କୁ ନ୍ୟାୟ ପାଇଁ ତତ୍ପର ରହିବି'

ବାଲେଶ୍ବର: ଓଡ଼ିଶା ମହିଳା କମିଶନ ଅଧ୍ୟକ୍ଷା ଭାବରେ ନିଯୁକ୍ତ ହୋଇଛନ୍ତି ଶୋଭନା ମହାନ୍ତି । ଏନେଇ ମହିଳା ଓ ଶିଶୁ କଲ୍ୟାଣ ବିଭାଗ ପକ୍ଷରୁ ସୂଚନା ଜାରି କରାଯାଇଛି । ତେବେ ଗତ କିଛିଦିନ ଧରି ରାଜ୍ୟରେ ଗୋଟିଏ ପରେ ଗୋଟିଏ ନାରୀ ନିର୍ଯାତନା ମାମଲା ସାମ୍ନାକୁ ଆସିଥିବା ବେଳେ ଏହାର ସମାଧାନ ନେଇ ମହିଳା କମିଶନ ଅଧ୍ୟକ୍ଷାଙ୍କ କଣ ପଦକ୍ଷପ ରହିବ ସେନେଇ 'ଇଟିଭି ଭାରତ'କୁ ପ୍ରତିକ୍ରିୟା ଦେଇଛନ୍ତି ସୋଭନା ମହାନ୍ତି ।ETV Bharata: କେମିତି ଦାୟିତ୍ବ ତୁଲାଇବେ ? ଶୋଭନା ମହାନ୍ତି: ସମାଜରେ ଥିବା ଅବହେଳିତ ଓ ନିଷ୍ପେସିତ ମହିଳା କେମିତି ସଠିକ୍‌ ନ୍ୟାୟ ପାଇବେ ସେ ଦାୟିତ୍ବ ସୂଚାର ରୂପେ ତୁଲାଇବି । ମୁଖ୍ୟମନ୍ତ୍ରୀ ଏଭଳି ଗୁରୁ ଦାୟିତ୍ବ ଦେଇଥିବାରୁ ଧନ୍ୟବାଦ । ଏହି ଦାୟିତ୍ବକୁ ମୁଁ ଠିକ୍‌ ଭାବରେ ତୁଲାଇବା ପାଇଁ ସଦା ସର୍ବଦା ଚେଷ୍ଟିତ ରହିବି ।  ETV Bharata: ତୃଣମୂଳ ସ୍ତରରେ କେମିତି ପହଞ୍ଚିବେ ? ଶୋଭନା ମହାନ୍ତି: ପ୍ରତିଟି ମହିଳା କେମିତି ସୁରକ୍ଷା ପାଇବେ ସୋଥିପାଇଁ ମୋ ଚେଷ୍ଟା ଜାରି ରହିବ । ଏଥିପାଇଁ ତୃଣମୂଳ ସ୍ତରରେ ମହିଳାମାନଙ୍କୁ ସଚେତନ କରାଯିବ । ଗଣମାଧ୍ଯମ ମାଧ୍ୟମରେ ମଧ୍ୟ ମହିଳାମାନଙ୍କୁ ସଚେତନ କରାଯିବ ।ETV Bharata: ମହିଳାଙ୍କୁ କେମିତି ସୁରକ୍ଷା ଦେବେ ?ଶୋଭନା ମହାନ୍ତି: ମହିଳାଙ୍କୁ ନ୍ୟାୟ ପାଇଁ ଆଉ ବାରମ୍ବାର ଏଯାଗାରୁ ସେ ଯାଗାକୁ ଦୌଡିବାକୁ ପଡ଼ିବ ନାହିଁ । ମହିଳାମାନେ ଅଭିଯୋଗ କରିବା ପରେ ଯେଭଳି ଫେଲୁଅର ନ ହେବେ ସେଥିପାଇଁ ଚେଷ୍ଟା କରିବି । ପ୍ରେତିଟି ମହିଳା ଯେଭଳି ନ୍ୟାୟ ପାଇପାରିବେ ସେଥିପାଇଁ ସରକାରଙ୍କ ନିର୍ଣ୍ଣାୟକ ଭୂମିକାରେ ଭାଗ ନେବି । ମହିଳାଙ୍କ ନ୍ୟାୟ ପାଇଁ ତତ୍ପର ରହିବି । ETV Bharata: ଚ୍ୟାଲେଞ୍ଜେସ୍‌କୁ କେମିତି ସାମ୍ନା କରିବେ ?ଶୋଭନା ମହାନ୍ତି: ଯେଉଁ ସବୁ ଅଭିଯୋଗ ଆସିବ ମୁଁ ତାକୁ ଶୁଣିବି । ଏହାର ପୁଙ୍ଖାନୁପୁଙ୍ଖ ତଦନ୍ତ ଦେଖିବି । ଏହା ମଧ୍ୟ ପଢ଼ନ୍ତୁ...ଶୋଭନା ମହାନ୍ତି ମହିଳା କମିଶନ ଅଧ୍ୟକ୍ଷା, ବବିତା ପାତ୍ର ଶିଶୁ ସୁରକ୍ଷା ଆୟୋଗ ଅଧ୍ୟକ୍ଷାETV Bharata: ମହିଳାଙ୍କୁ କେମିତି ସଚେତନ କରିବେ ?ଶୋଭନା ମହାନ୍ତି: ସରକରାଙ୍କ ଯୋଜନା ମାଧ୍ୟମରେ ମହିଳାମାନଙ୍କୁ ସଚେତନ କରାଯିବ । ସରକାରଙ୍କ ଯେଉଁ ଗାଇଡଲାଇନ ଆସିବ ତାହା କେମିତି ତ୍ବରାନିତ୍ବ ହେବ ସେଥିପ୍ରତି ଧ୍ୟାନ ଦିଆଯିବ । ସମାଜରେ ଯେଉଁ ମହିଳାମାନେ ଅନ୍ୟାୟର ଶୀକାର ହେଉଛନ୍ତି ସେମାନଙ୍କ ପାଖରେ ପହଞ୍ଚିବି ଓ ସମସ୍ତଙ୍କୁ ନ୍ୟାୟ ପ୍ରଦାନ କରାଯିବ । ଇଟିଭି ଭାରତ, ବାଲେଶ୍ବର