گلمرگ میں دنیا کا بلند ترین گرین گولف کورس برطانوی دور حکومت میں 1911 میں قائم کیا گیا تھا

 اور پہلی گولف چیمپئن شپ 1922 میں یہاں منعقد ہوئی تھی۔جموں و کشمیر کے گلمرگ میں دنیا کا بلند ترین گرین گالف (ETV Bharat)By ETV Bharat Urdu TeamPublished : June 17, 2026 at 9:53 AM IST3 Min Readگلمرگ، جموں و کشمیر (کوثر عرفات): مشہور سیاحتی مقام گلمرگ اگرچہ دنیا بھر میں اپنی خوبصورتی اور دلکش مناظر کے لیے مقبول ہے اور ہر سال لاکھوں کی تعداد میں پوری دنیا سے سیاح اس خوبصورت وادی سے لطف اندوز ہوتے ہیں۔موسم سرما میں جب یہاں گلمرگ کی پہاڑوں پر برف ہوتی ہے اور سیاح سیر و تفریح کرنے کے لیے آتے ہیں تو وہیں جب موسم بہار ہوتا ہے تو تب بھی سیاح ان وادیوں میں یہاں کے خوبصورت موسم سے لطف اندوز ہوتے ہیں۔لاکھوں کی تعداد میں پوری دنیا سے سیاح گلمرگ آتے ہیں (ETV Bharat)خوبصورت سیاح گلمرگ کی خوبصورت وادی میں گولف کھیلنے میں مصروف (ETV Bharat)کشمیر ہی نہیں دنیا بھر میں منفرد شناخت
اس وقت اگر ہم گلمرگ کی بات کریں تو سیاح کافی تعداد میں گلمرگ کا رخ کر رہے ہیں۔ اس وقت سیاحوں کی ایک بڑی تعداد گلمرگ میں واقع دنیا کے سب سے اونچے گرین گولف کورس میں گولف کھیلنے میں مصروف ہے۔ گلمرگ گولف کورس نہ صرف کشمیر بلکہ دنیا بھر میں ایک منفرد شناخت رکھتا ہے۔ سرسبز و شاداب میدانوں اور برف سے ڈھکے پہاڑوں کے درمیان واقع یہ گرین گولف کورس، سیاحوں اور گولف کے شوقینوں کو یکساں طور پر اپنی طرف متوجہ کرتا ہے۔وادیٔ گلمرگ میں سیاح گولف کا مزا لیتے ہوئے (ETV Bharat)وادیٔ گلمرگ میں گولف کھیلتی خاتون سیاح ہول میں گیند ڈالنے کی کوشش کرتے ہوئے (ETV Bharat)وادیٔ گلمرگ میں گولف کھیلتے سیاح اور خوبصورت وادی کا حسین منظر (ETV Bharat)گولف کورس اپریل سے نومبر تک کھلا رہتا ہے
یہ گولف کورس تقریباً 2,650 میٹر (8,694 فٹ) کی بلندی پر واقع ہے، جو اسے دنیا کے سب سے اونچے سبز گولف کورسز میں سے ایک بناتا ہے۔ اس میں 18 سوراخ ہیں اور اسے ہندوستان کا سب سے طویل گولف کورس بھی سمجھا جاتا ہے۔ یہ کورس اپریل سے نومبر تک کھلا رہتا ہے، جب کہ سردیوں کے دوران، شدید برف باری کی وجہ سے اسے اسکیئنگ اور دیگر موسم سرما کے کھیلوں کے لیے استعمال کیا جاتا ہے۔وادیٔ گلمرگ میں گولف کھیلتا سیاح ہول میں گیند ڈالنے کی کوشش کرتے ہوئے (ETV Bharat)وادیٔ گلمرگ میں گولف کھیلتے سیاح ہول میں گیند کو پہنچانے کی کوشش کرتے ہوئے (ETV Bharat)وادیٔ گلمرگ میں گولف کھیلتے ہوئے سیاح، پورا خاندان لطف اندوز ہوتے ہوئے (ETV Bharat)برطانوی دور حکومت میں 1911 میں قائم کیا گیا گولف کورس
جون اور ستمبر کے درمیان، یہاں مختلف قسم کے جنگلی پھول کھلتے ہیں، جو اس کی قدرتی خوبصورتی کو مزید بڑھاتے ہیں۔ ان دنوں موسم کی ناسازگاری کے باعث ملک اور بیرون ملک سے سیاحوں کی ایک بڑی تعداد یہاں کی سیر کر رہی ہے اور قدرتی خوبصورتی سے لطف اندوز ہو رہی ہے۔ آپ کو بتادیں کہ سیاحتی مقام گلمرگ میں ایک سو سال سے زیادہ کا گولف کورس ہے۔ یہ برطانوی دور حکومت میں 1911 میں قائم کیا گیا تھا اور پہلی گولف چیمپئن شپ 1922 میں یہاں منعقد ہوئی تھی۔