లిఫ్ట్​ వచ్చిందనుకొని అడుగేసింది - సీసీటీవీ వీడియో వైరల్

Woman Fell Down From Lift in khairatabad : ప్రమాదవశాత్తు లిఫ్ట్​ గుంతలో పడి మహిళ మృతి చెందిన ఘటన ఖైరతాబాద్ పోలీస్ స్టేషన్ పరిధిలో జరిగింది. మనవడిని రక్షించి తాను మాత్రం ప్రాణాలు విడిచింది. వివరాల్లోకి వెళితే ఏపీలోని విశాఖపట్నానికి కె.రాధ(57) ఆనంద్​నగర్​ కాలనీలోని భావన అపార్ట్​మెంట్​ నాలుగో ఫ్లోర్​లో ఉంటున్నారు. ఈనెల 5వ తేదీ(శుక్రవారం) సాయంత్రం తన 15 నెలల మనవడిని ఎత్తుకుని కిందికి వెళ్లేందుకు లిఫ్ట్​ వద్దకు వచ్చారు. లిఫ్ట్​ వచ్చిందనుకొని గ్రిల్స్​ తెరిచి అడుగు వేసే క్రమంలో గ్రౌండ్​ ఫ్లోర్​లో ఒక్కసారిగా జారి పడిపోయారు. సమాచారమందుకున్న అగ్నిమాఫక, డీఆర్ఎఫ్​, పోలీసులు ఘటనాస్థలానికి చేరుకుని వారిని బయటకు తీశారు. రాధను నిమ్స్​కు, బాలుడిని కేర్​ ఆస్పత్రికి తరలించగా ఆమె అప్పటికే ప్రాణాలు కోల్పోయారు. ఘటనకు సంబంధించిన దృశ్యాలు సీసీ కెమెరాల్లో రికార్డయ్యాయి. గుంతలో నుంచి వెలికి తీసేక్రమంలో ఆమె మనవడికి ఏమీ కాకుండా పట్టుకుని ఉండడం కనిపించిందని స్థానికులు వివరించారు. ఈ ఘటనతో స్థానికంగా విషాద ఛాయలు అలుముకున్నాయి.