పాడేరులో ఆకట్టుకున్న పాముల స్టాల్‌

Snake Show in Paderu : గణతంత్ర దినోత్సవ సందర్భంగా అల్లూరి సీతారామరాజు జిల్లాలో అటవీశాఖ వారు ప్రభుత్వ స్టాల్​ను ఏర్పాటు చేశారు. పాడేరులోని తలార్​సింగ్ పాఠశాల మైదానంలో ఏర్పాటు చేసిన పాముల ప్రదర్శన అక్కడి వారిని ఆకట్టుకుంది. ఈ సందర్భంగా తూర్పు కనుమల వన్యప్రాణి సంరక్షణ సంస్థ ఆధ్వర్యంలో వివిధ రకాల పాములను ప్రదర్శించారు. ఇందులో జెర్రిపోతు, రక్తపింజర, నాగుపాము, సాండ్‌ స్నేక్‌ ఉన్నాయి. వీటి గురించి అధికారులు వివరిస్తూ అవి కాటు వేస్తే తీసుకోవాల్సిన జాగ్రత్తలపై ప్రజలకు, విద్యార్థులకు అవగాహన కల్పించారు.