ജാക്കും റോസും വീണ്ടുമെത്തുന്നു | filmibeat Malayalam

James Cameron's Titanic to be re-released in Theaters

ലോകസിനിമയിലെ എക്കാലത്തെയും മികച്ച ക്ലാസിക്കുകളിലൊന്നായ ടൈറ്റാനിക് വീണ്ടും പ്രേക്ഷകർക്ക് മുന്നിലേക്കെത്തുന്നു. ജയിംസ് കാമറൂണ്‍ സംവിധാനം ചെയ്ത ഈ ചിത്രം 11 ഓസ്കർ പുസ്കാരങ്ങള്‍ സ്വന്തമാക്കുകയും ചെയ്തു. ലിയനാർഡോ ഡി കാപ്രിയോ, കേറ്റ് വിൻസ്ലെറ്റ് എന്നിവരാണ് ഈ ചിത്രത്തിലെ കേന്ദ്രകഥാപാത്രങ്ങളെ അവതരിപ്പിച്ചത്. ടൈറ്റാനിക് പുറത്തിറങ്ങിയതിൻറെ 20ാം വാർഷികാഘോഷത്തിൻറെ ഭാഗമായാണ് ഏറ്റവും പുതിയ ഡോള്‍ബി അറ്റ്മോസ് സാങ്കേതിക വിദ്യ പ്രയോജനപ്പെടുത്തി ചിത്രം വീണ്ടും പുറത്തിറങ്ങുകയാണ്. പുതിയ ട്രെയിലർ അണിയറപ്രവർത്തകർ പുറത്തുവിട്ടു കഴിഞ്ഞു. ജയിംസ് കാമറൂണ്‍ തന്നെയാണ് കഥയും തിരക്കഥയും ഒരുക്കിയിരിക്കുന്നത്. ആർഎം ടൈറ്റാനിക് എന്ന കപ്പലിൻറെ ദുരന്തത്തെ ആസ്പദമാക്കിയാണ് ചിത്രം ഒരുക്കിയത്. ആദ്യം പുറത്തിറക്കിയതില്‍ നിന്നും വ്യത്യസ്തമായി ഏറ്റവും പുതിയ ഡോള്‍ബി ആറ്റംസ് സാങ്കേതിക വിദ്യ പ്രയോജനപ്പെടുത്തിയാണ് ചിത്രം വീണ്ടും പുറത്തിറക്കുന്നത്.