పొంగులేటి రాజీనామా చేయాల్సిందే : హరీశ్​రావు ​

Harish Rao Comments On Ponguleti : లక్షల మందిని ఆగం చేసిన మంత్రి పొంగులేటి శ్రీనివాస్ రెడ్డి, తక్షణమే నైతిక బాధ్యత వహించి తన పదవికి రాజీనామా చేయాలని బీఆర్​ఎస్ నేత​ హరీశ్‌రావు డిమాండ్ చేశారు. దరఖాస్తులు లేకుండా ఎట్లైతే నిషేధిత జాబితాలో చేర్చారో అలానే తొలగించాలన్నారు. మల్కాజ్‌గిరిలో 22ఏ నిషేధిత భూముల బాధితుల సభలో హరీశ్​ రావు పాల్గొన్నారు. ప్రభుత్వం తప్పు చేస్తే ప్రజలకు ఎందుకు శిక్ష అని ఆయన ప్రశ్నించారు. తప్పు చేసిందే మీరే ఆ చేసిన తప్పును సరిదిద్దాల్సిన బాధ్యత కూడా మీదేనని స్పష్టం చేశారు. హైదరాబాద్, రంగారెడ్డి, మేడ్చల్ జిల్లాలు తన చేతిలోకి రావాలని మంత్రి పొంగులేటి శ్రీనివాస్ రెడ్డి స్వయంగా అధికారులను ఆదేశించి రాత్రికి రాత్రే ఈ ఆస్తులను బ్లాక్ చేయించారని ఆరోపించారు. అసలు నిషేధిత జాబితాలో భూములను పెట్టాలని చెప్పింది ఎవరు? దీనికి బాధ్యులు ఎవరు? తక్షణమే తేల్చాలని హరీశ్ రావు డిమాండ్ చేశారు.