కల్కి సీక్వెల్​లో సాయి పల్లవి, ఆలియా భట్- అసలు నిజమెంత?

Alia Bhatt and Sai Pallavi In ​​the Kalki 2898 AD Sequel : రెబల్ స్టార్ ప్రభాస్ హీరోగా, దర్శకుడు నాగ్ అశ్విన్ తెరకెక్కించిన విజువల్ వండర్ కల్కి 2898 AD సినిమా బాక్సాఫీస్ వద్ద సంచలన విజయం సృష్టించింది. ప్రపంచవ్యాప్తంగా రికార్డులను బద్దలు కొట్టిన ఈ సినిమా సీక్వెల్ కోసం అభిమానులు ఎంతగానో ఎదురుచూస్తున్నారు. అయితే, ఫిల్మ్​ నగర్​లో ఒక వార్త తెగ వైరల్ అవుతోంది. ఈ సినిమాలో ఆలియా భట్​తో పాటు, సాయి పల్లవి కూడా భాగం కాబోతున్నట్లు టాక్ నడుస్తోంది.దీపికా స్థానంలో సాయి పల్లవి
సినిమా మొదటి భాగంలో అత్యంత కీలకమైన సుమతి పాత్రను దీపికా పదుకొణె పోషించారు. అయితే, తాజా సమాచారం ప్రకారం కొన్ని కారణాల వల్ల పార్ట్ 2 లో ఈ పాత్రను సాయి పల్లవి చేయబోతున్నట్లు టాక్​ వినిపిస్తోంది. ఆమె పాత్రకు సంబంధించి చిత్రబృందం నుంచి ఇప్పటి వరకు ఎలాంటి అధికారిక ప్రకటన వెలువడలేదు. తన అద్భుతమైన నటనతో మెప్పించే సాయి పల్లవి ఈ ప్రాజెక్ట్‌లోకి వస్తే సినిమాకు మరింత మైలేజ్ రావడం ఖాయమని అభిమానులంటున్నారు.దేశవ్యాప్తంగా హైప్
మరోవైపు, బాలీవుడ్ టాప్ హీరోయిన్ ఆలియా భట్ కూడా ఈ భారీ సీక్వెల్‌లో జాయిన్ కాబోతున్నట్లు వార్తలు వినిపిస్తున్నాయి. సినిమాలో కథను మలుపు తిప్పే ఒక పవర్‌ఫుల్ రోల్ కోసం దర్శకుడు నాగ్ అశ్విన్ ఆమెను సంప్రదించారని, ఇప్పటికే దీనికి సంబంధించిన చర్చలు కూడా ముగిశాయని సినీ వర్గాల్లో జోరుగా చర్చ జరుగుతుంది. ఈ వార్తలే నిజమైతే ఈ ఇద్దరు స్టార్ హీరోయిన్ల ఎంట్రీతో కల్కి 2 కాన్వాస్ మరింత పెద్దదిగా మారబోతోందని సోషల్​ మీడియాలో కామెంట్స్​ చేస్తున్నారు. ఆర్ఆర్ఆర్​ చిత్రంతో ఇప్పటికే తెలుగు ప్రేక్షకులకు బాగా దగ్గరయిన ఆలియా ఇప్పుడు ఈ క్రేజీ సైన్స్ ఫిక్షన్ సీక్వెల్‌లో భాగం కావడం సినిమాపై అంచనాలను మరింత పెంచుతుందని సినీ వర్గాలంటున్నాయి. ఇప్పటికే ప్రభాస్, అమితాబ్ బచ్చన్, కమల్ హాసన్ వంటి దిగ్గజాలు నటిస్తున్న ఈ ప్రాజెక్ట్​లో, ఇప్పుడు ఆలియా, సాయి పల్లవి చేరితే దేశవ్యాప్తంగా మరింత హైప్ క్రియేట్ అవ్వడం ఖాయమని అభిమానులు అంటున్నారు.త్వరలోనే అఫీషియల్ అనౌన్స్‌మెంట్​
ప్రస్తుతం ప్రీ-ప్రొడక్షన్ పనులతో బిజీగా ఉన్న నాగ్ అశ్విన్, త్వరలోనే కాస్టింగ్​పై అఫీషియల్ అనౌన్స్‌మెంట్ ఇచ్చే అవకాశం ఉన్నట్లు తెలుస్తోంది. తొలి భాగం ప్రపంచవ్యాప్తంగా మంచి ఆదరణ పొందిన నేపథ్యంలో, రెండో భాగాన్ని అంతకుమించిన స్థాయిలో తెరకెక్కించాలని దర్శకుడు భావిస్తున్నట్లు సోషల్​ మీడియాలో చర్చ జరుగుతోంది. మొదటి భాగానికి మ్యూజిక్​ అందించిన సంతోష్ నారాయణన్​నే రెండో భాగానికి కూడా సంగీతం అందిస్తున్నారు.