ద్విచక్ర వాహనంపై ప్రమాదకరంగా ఆరుగురు ప్రయాణం - సోషల్ మీడియాలో వీడియో వైరల్‌

A Man Driving Bike With Six Members : సాధారణంగా ఒక ద్విచక్ర వాహనంపై ఇద్దరు లేదా ముగ్గురు వెళ్లడం చూస్తుంటాం. అంతేకాకుండా బండికి సపోర్ట్​గా పక్కన టబ్​లాంటిది ఉంటే మహా అయితే నలుగురు ప్రయాణించడం చూసి ఉంటాం. అలా కాకుండా ఒకే ద్విచక్ర వాహనంపై ఆరుగురు వెళ్లిన దృశ్యం శ్రీ సత్యసాయి జిల్లా మడకశిరలో కనిపించింది. ఓ వ్యక్తి టీవీఎస్​ ఎక్సెల్ ద్విచక్ర వాహనం వెనుక భాగంలో కర్రలు కట్టి అతి ప్రమాదకరంగా ఆరుగురిని ఎక్కించుకుని వేగంగా వాహనం నడుపుతూ ముందుకు సాగాడు. ఆ కర్రలు విరిగితే ప్రమాదం జరుగుతుందని కొందరు యువకులు వెనక నుంచి చెప్పినా అతను పట్టించుకోలేదు. వాహనాన్ని మరింత వేగంగా నడుపుకుంటూ ముందుకెళ్లిపోయాడు. ఈ ఘటనకు సంబంధించిన వీడియో సోషల్ మీడియాలో వైరల్​గా మారింది. ఇలాంటివి చేసి ప్రాణాలపైకి తెచ్చుకుంటున్నారని, పోలీసులు వెంటనే ఇలా చేసే వారిపై చర్యలు తీసుకోవాలని వైరల్​ అవుతున్న వీడియో కింద నెటిజన్లు కామెంట్స్​ పెడుతున్నారు.