ବମିଖାଲରେ ଆକର୍ଷଣୀୟ ସାଜିଛି 'ରାମୋଜୀ ଫିଲ୍ମ ସିଟି'ର ମହାଭାରତ ସେଟ ତୋରଣ

ଭୁବନେଶ୍ବର: ଆକର୍ଷଣୀୟ ଭାବେ ସଜେଇ ହୋଇଛି ଭୁବନେଶ୍ବର ବମିଖାଲ ପୂଜା ମଣ୍ଡପ । ଦର୍ଶକଙ୍କ ମନ ମୋହୁଛି 'ରାମୋଜୀ ଫିଲ୍ମ ସିଟି' ମହାଭାରତ ସେଟ୍‌ । ବମିଖାଲ ପୂଜା କମିଟି ପକ୍ଷରୁ ଏକ ବିଶାଳ ମୟୂର ପ୍ୟାଲେସ ମଣ୍ଡପ ନିର୍ମାଣ କରାଯାଇଛି । ଏହାକୁ ଦେଖିବା ପାଇଁ ଭକ୍ତଙ୍କ ଭିଡ଼ ଜମୁଛି । ବମିଖାଲ ପୂଜା ମଣ୍ଡପ ଡେକୋରେସନର ଭିତର ପାର୍ଶ୍ବରେ 'ରାମୋଜୀ ଫିଲ୍ମ ସିଟି' ମଧ୍ୟରେ ଥିବା ମହାଭାରତ ସେଟ୍‌ର କିଛି ଝଲକ ଦେଖିବାକୁ ମିଳୁଛି । ଏହି ତୋରଣଟି ସମ୍ପୂର୍ଣ ବାଉଁଶ ଏବଂ ଫୋମରେ ପ୍ରସ୍ତୁତ କରାଯାଇଛି । ଏଥିରେ ଆଦୌ ପ୍ଲାଷ୍ଟିକର ବ୍ୟବହାର ହୋଇନାହିଁ । ଏହି ଆକର୍ଷଣୀୟ ତୋରଣ ସହ ମା'ଙ୍କ ଦର୍ଶନ ପାଇଁ ଭକ୍ତଙ୍କ ପ୍ରବଳ ଭିଡ ଜମୁଛି । ଦଶହରା ଆସିଲେ ଭୁବନେଶ୍ବରର ପୂଜା କମିଟିମାନେ ଭିନ୍ନ ଭିନ୍ନ ଥିମ୍‌ରେ ପୂଜା ପେଣ୍ଡାଲ ପ୍ରସ୍ତୁତ କରନ୍ତି । ଏହାରି ମଧ୍ୟରେ ଚଳିତ ବର୍ଷ ବମିଖାଲ ପୂଜା କମିଟି ପ୍ରସ୍ତୁତ କରିଛି ମୟୁର ପ୍ୟାଲେସ ପେଣ୍ଡାଲ । ତୋରଣର ଭିତର ପାର୍ଶ୍ବକୁ 'ରାମୋଜୀ ଫିଲ୍ମ ସିଟି'ର 'ମହାଭାରତ ସେଟ' ଭଳି ସାଜସଜ୍ଜା କରାଯାଇଛି । କାରିଗରମାନେ ମହାଭାରତ ସେଟ ଭଳି ସାଜସଜ୍ଜା କରିବାକୁ ପ୍ରୟାସ କରିଛନ୍ତି । ଅତି ନିଖୁଣ କାମ କରାଯାଇଛି । ଯାହା କେବଳ ବାଉଁଶ ଓ ଫୋମରେ ପ୍ରସ୍ତୁତ କରିାଯାଇଛି । ଏହାକୁ ପ୍ରସ୍ତୁତ କରିବା ପାଇଁ କାରିଗରଙ୍କୁ ଦୁଇ ମାସ ସମୟ ଲାଗିଥିବା ବେଳେ ପାଖାପାଖି ୪୦ରୁ ୪୫ ଜଣ କାରିଗର ଡେକୋରାସନ କାର୍ଯ୍ୟରେ ନିୟୋଜିତ ଥିଲେ । 
ଏନେଇ ବମିଖାଲ ପୂଜା ସମିତିର ଉପସଭାପତି ବଣ୍ଟି ଜେନା କହିଛନ୍ତି, "ରାମୋଜୀ ଫିଲ୍ମ ସିଟି ମଧ୍ୟରେ ଥିବା ମହାଭାରତ ସେଟ୍‌ର କିଛି ଅଂଶକୁ ଉପସ୍ଥାପନା କରିବା ପାଇଁ ପ୍ରୟାସ କରାଯାଇଛି । ଯେଉଁମାନେ ଟିଭିରେ ମହାଭାରତ ଦେଖୁଥିଲେ, ସେମାନେ ସେଟ୍‌ ଡିଜାଇନକୁ ଆଖି ସାମ୍ନାରେ ଦେଖିବାକୁ ପାଇବେ ।"

 ଏହା ମଧ୍ୟ ପଢ଼ନ୍ତୁ...ମା' ଦୁର୍ଗାଙ୍କ ବେଲବରଣୀ, ପ୍ରଥମେ ବେଲ ବୃକ୍ଷ ମୂଳେ ପୂଜା କରାଯାଏ କାହଁକି ?ରସୁଲଗଡ଼ରେ ଉତ୍ତରାଖଣ୍ଡର ଭ୍ରମ, ଗୁମ୍ଫା ଭିତରେ ଦର୍ଶନ ଦେଉଛନ୍ତି ମା’ଭକ୍ତମାନେ କହିଛନ୍ତି ଯେ, ମହାଭାରତ ସେଟ ବହୁତ ଆକର୍ଷଣୀୟ ହୋଇଛି । କେବଳ ଟିଭିରେ ଦେଖିଥିବା ରାମୋଜୀ ଫିଲ୍ମ ସିଟିର ମହାଭାରତ ସେଟ ଏବେ ଆଖି ସାମ୍ନାରେ ଦେଖିବାକୁ ମିଳୁଛି । ବମିଖାଲରେ ଚଳିତ ବର୍ଷ ନୂଆ ଆକାରରେ ଡେକୋରାସନ କରିଛନ୍ତି । ସେପଟେ ଆଜି ମା'ଙ୍କ ମହାସପ୍ତମୀ ପୂଜା । ବହୁତ ଧୁମଧାମରେ ପୂଜାର୍ଚ୍ଚନା କରାଯାଉଛି । ଭିଡକୁ ଦୃଷ୍ଟିରେ ରଖି CCTV କ୍ୟାମେରା ରହିଥିବା ବେଳେ ଚୋରି ଉପରେ ମଧ୍ୟ ନଜର ରଖାଯାଇଛି । 

ଇଟିଭି ଭାରତ, ଭୁବନେଶ୍ବର