ആകാശത്തു പ്രത്യക്ഷപ്പെട്ട ഗ്രാവിറ്റി തരംഗങ്ങൾ

വെള്ളത്തിലൊരു കല്ലിട്ടാൽ വൃത്താകൃതിയിൽ തരംഗങ്ങളുണ്ടാകും. കടൽത്തിരമാലകളും അത്തരമൊരു തരംഗമാണ്. ഇത്തരത്തിൽ ദ്രാവകങ്ങളിലുണ്ടാകുന്ന തരംഗങ്ങളെ ഗ്രാവിറ്റി വേവ്സ് എന്നു വിളിക്കും. വെള്ളത്തിന്റെ ചലനത്തിനോ നിശ്ചലാവസ്ഥയ്ക്കോ അനക്കം തട്ടുമ്പോഴാണ് ഇത്തരം തരംഗങ്ങളുണ്ടാകുന്നത്. പക്ഷേ വെള്ളത്തിൽ മാത്രമല്ല അന്തരീക്ഷത്തിലും ഇതു സംഭവിക്കാറുണ്ട്. സമുദ്രത്തിനു തൊട്ടുമുകളിലും ചിലപ്പോഴൊക്കെ ആകാശത്തുമാണ് ഇതു സംഭവിക്കുന്നത്. അതിനാൽത്തന്നെ സാധാരണക്കാർക്കു കാണാനും സാധിക്കാറില്ല. പക്ഷേ കാലാവസ്ഥാ ഉപഗ്രഹങ്ങൾ വന്നതോടെ സ്ഥിതി മാറി.