നടന്ന് ലോകറെക്കോ‍‍ഡിട്ട രണ്ട് ഇന്ത്യന്‍ കടുവകള്‍

മഹാരാഷ്ട്ര, തെലുങ്കാന സ്വദേശികളായ രണ്ട് ആണ്‍ കടുവകളാണ് ആയിരത്തിലേറെ കിലോമീറ്റര്‍ നടന്ന് ലോക റെക്കോ‍ഡ് സ്വന്തമാക്കിയത്. രണ്ട് കടുവകളും നടത്തിയ യാത്ര ഒരുമിച്ചായിരുന്നില്ല മറിച്ച് രണ്ട് പ്രദേശത്തു കൂടിയായിരുന്നു എന്നതാണ് മറ്റൊരു കൗതുകകരമായ വസ്തുത. ഒരു കടുവ നടന്നു തീര്‍ത്തത് 1160 കിലോമീറ്ററാണെങ്കില്‍ മറ്റൊന്നിന്‍റെ സഞ്ചാരം 450 കിലോമീറ്ററായിരുന്നു. ആദ്യ കടുവയുടെ സഞ്ചാരത്തിലാകട്ടെ രണ്ട് സംസ്ഥാനങ്ങളും മനുഷ്യവാസമുള്ള പ്രദേശങ്ങളുമെല്ലാം ഉള്‍പ്പെടുന്നു. ഇതുവരെ ലോകത്ത് രേഖപ്പെടുത്തിയ ഏറ്റവും ദീര്‍ഘമായ കടുവയുടെ സഞ്ചാരപഥങ്ങളാണിവ.