వర్త్​ వర్మా వర్త్​ - కళ్లు చెదిరిపోయేలా ఖైరతాబాద్ మహా గణపతి డ్రోన్​ విజువల్స్!

Khairatabad Bada Ganesh Drone Visuals : హైదరాబాద్​లో గణేశ్ నిమజ్జనాల సందర్భంగా అధికారులు పటిష్ఠ ఏర్పాట్లు చేశారు. గత కొద్ది రోజులుగా భక్తులతో ధూపదీపాలందుకున్న ఖైరతాబాద్ బడా గణపతి నిమజ్జనానికి పయనమయ్యాడు. చివరిసారిగా గణాధిపతిని దర్శించుకునేందుకు భక్తులు భారీగా తరలివచ్చారు. ఉదయం 6 గంటలకు ప్రారంభం కావాల్సిన బడా గణేశుడి శోభాయాత్ర, క్రేన్​లో సమస్య కారణంగా 3 గంటల ఆలస్యంగా 9 గంటలకు ప్రారంభమైంది. ఈ సందర్భంగా తీసిన డ్రోన్ విజవల్స్ భక్తులను విశేషంగా ఆకట్టుకుంటున్నాయి. మరోవైపు నిమజ్జనం వేళ అన్ని శాఖల అధికారులు సమన్వయంతో పని చేస్తున్నారు. బడా గణేశుడి ముందు వేల మంది భక్తులు నృత్యాలు చేస్తుండగా స్వామివారు ముందుకు కదులుతున్నారు. 69 అడుగుల ఖైరతాబాద్ గణేశ్ నిమజ్జనానికి ఎన్టీఆర్ మార్గ్ వద్ద ఏర్పాట్లు చేశారు. గణేశ్‌ నిమజ్జనం సందర్భంగా హైదరాబాద్​ నగరంలో ట్రాఫిక్ ఆంక్షలు అమల్లో ఉన్నాయి. భక్తులకు ఎలాంటి ఇబ్బందులు కలగకుండా పోలీస్​ ఉన్నతాధికారులు భారీ భద్రతా ఏర్పాట్లు చేశారు.