ବ୍ରହ୍ମପୁର: ପ୍ରକାଶ ପାଇଛି ଚଳିତବର୍ଷର ମାଟ୍ରିକ ପରୀକ୍ଷାଫଳ । ପରୀକ୍ଷା ଫଳ ପ୍ରକାଶ ପାଇବା ପରେ ବ୍ରହ୍ମପୁର ସହରର ବିଦ୍ୟାର୍ଥୀଙ୍କ ମଧ୍ୟରେ ଦେଖିବାକୁ ମିଳିଛି ଖୁସିର ମାହୋଲ । ଚଳିତବର୍ଷ ରାଜ୍ୟରେ ପାସ ହାର 95.33 ପ୍ରତିଶତ ରହିଛି । ସେପଟେ ପରୀକ୍ଷା ଫଳ ପ୍ରକାଶ ପାଇବା ପରେ ବ୍ରହ୍ମପୁର ସହରର ନୀଳକଣ୍ଠନଗର ସରସ୍ୱତୀ ଶିଶୁ ବିଦ୍ୟା ମନ୍ଦିରର ବିଦ୍ୟାର୍ଥୀ ମାନେ ବେଶ୍ ଉତ୍ସାହିତ ହୋଇ ପଡିଥିବା ଦେଖିବାକୁ ମିଳିଛି । ଲଗାତାର ଏହି ଶିକ୍ଷାନୁଷ୍ଠାନର ବିଦ୍ୟାର୍ଥୀ ମାନେ ଶତ ପ୍ରତିଶତ ସଫଳତା ହାସଲ କରି ଆସୁଥିବା ବେଳେ ଚଳିତବର୍ଷ ମଧ୍ୟ ସେହି ଧାରା ବଜାୟ ରହୁଥିବା ଦେଖିବାକୁ ମିଳୁଛି । ଚଳିତବର୍ଷ ଶିକ୍ଷାନୁଷ୍ଠାନର ମୋଟ ୯୮ ଜଣ ବିଦ୍ୟାର୍ଥୀ ଏ -୧ ରେ କୃତିତ୍ୱ ହାସଲ କରିଥିବା ବେଳେ ୧୬୧ ଜଣ ବିଦ୍ୟାର୍ଥୀ ଏ-୨ , ୫୬ ଜଣ ବିଦ୍ୟାର୍ଥୀ ବି-୧ ରେ କୃତକାର୍ଯ୍ୟ ହୋଇଥିବା ବିଦ୍ୟାଳୟର ଅଧ୍ୟକ୍ଷ ଏସ୍.ମୋହନ ରାଓ ସୂଚନା ଦେଇଛନ୍ତି ।ସେପଟେ ଚଳିତଥରର ପରୀକ୍ଷା ଫଳ ପ୍ରକାଶିତ ସମୟରେ ଦୁଇ ଜଣ ବିଦ୍ୟାର୍ଥୀ ୫୮୨ ମାର୍କ ରଖି ୯୭ ପ୍ରତିଶତ ରଖିଥିବା ବେଳେ ଚାରି ଜଣ ବିଦ୍ୟାର୍ଥୀ ୫୮୦ ମାର୍କ ରଖି ୯୬.୬୬ ପ୍ରତିଶତ ରଖିଥିବା ନେଇ ବିଦ୍ୟାଳୟରେ ଖୁସିରେ ମାହୋଲ ଦେଖାଯାଇଛି । ସେପଟେ ପରୀକ୍ଷା ଫଳ ପ୍ରକାଶିତ ହେବା ପରେ ବିଦ୍ୟାର୍ଥୀ ମାନେ ଏହାକୁ ନେଇ ବେଶ ଉତ୍ସାହିତ ହୋଇପଡିଥିବା ବେଳେ ମିଠା ଖୁଆଇ ଶୁଭେଚ୍ଛା ଜଣାଯାଇଛି । ଚଳିତ ବର୍ଷର ପରୀକ୍ଷା ଫଳ ପ୍ରକାଶିତ ହେବା ପରେ ଏହାକୁ ନେଇ ବିଦ୍ୟାର୍ଥୀ ମାନଙ୍କ ସହିତ ନୀଳକଣ୍ଠନଗର ସରସ୍ବତୀ ଶିଶୁ ବିଦ୍ୟା ମନ୍ଦିର କର୍ମକର୍ତ୍ତାଙ୍କ ସହିତ ଏହି ଅବସରରେ ଆଲୋଚନା କରିଛନ୍ତି ଆମ ବ୍ରହ୍ମପୁର ସମ୍ବାଦଦାତା ସମୀର କୁମାର ଆଚାର୍ଯ୍ୟ ।
Comments