കേരളത്തിന് എയിംസ് വൈകുന്നതെന്ത്? മറ്റ് സംസ്ഥാനങ്ങൾക്ക് അനുമതി നൽകിയ മാനദണ്ഡം തേടി ഹൈക്കോടതി - കേരളത്തിന് എയിംസ് വൈകുന്നതെന്ത്

എറണാകുളം: കേരളത്തിന് എയിംസ് അനുവദിക്കുന്നത് എന്തുകൊണ്ട് വൈകുന്നുവെന്ന് കേന്ദ്ര സർക്കാരിനോട് ഹൈക്കോടതി. ഉയർന്ന ജനസാന്ദ്രതയുള്ള സംസ്ഥാനമായതിനാൽ കേരളത്തിന് എയിംസ് അത്യാവശ്യമാണെന്ന് കോടതി നിരീക്ഷിച്ചു. കാസർകോട് എയിംസ് സംരക്ഷണ സമിതി നൽകിയ ഹർജി പരിഗണിക്കുന്നതിനിടെയാണ് കോടതിയുടെ സുപ്രധാന നിരീക്ഷണം.കഴിഞ്ഞ തവണ ഹർജി പരിഗണിച്ചപ്പോൾ വിഷയത്തിൽ കേന്ദ്രത്തോട് കോടതി സത്യവാങ്മൂലം തേടിയിരുന്നു. രാജ്യത്ത് 22 എയിംസുകളുടെ നിർമാണം നടക്കുന്നുണ്ടെന്നും ഇതിൽ 18 എണ്ണത്തിൻ്റെ പണി പൂർത്തിയായെന്നും കേന്ദ്രം സത്യവാങ്മൂലത്തിൽ വ്യക്തമാക്കി. ബാക്കി നാലെണ്ണം അവസാന ഘട്ടത്തിലായതിനാൽ അതിലാണ് നിലവിൽ ശ്രദ്ധ കേന്ദ്രീകരിക്കുന്നത്.