హైదరాబాద్: ప్రస్తుతం సోషల్ మీడియా ఎక్కడ చూసినా ఒకటే పాట మార్మోగిపోతోంది.. అదే "బుజ్జి బుజ్జి గణపయ్య.. బుజ్జి తల్లి గణపయ్య". ఈ పాటలోని లయ, ఆ చిన్నారుల ముద్దు ముద్దు మాటలు నెటిజన్లను విపరీతంగా ఆకట్టుకుంటున్నాయి. తాజాగా ఈ పాటకు కొంతమంది పాఠశాల విద్యార్థులు చేసిన డ్యాన్స్ ఇప్పుడు ఇంటర్నెట్ను షేక్ చేస్తోంది.
వైరల్ అవుతున్న వీడియో..
సాధారణంగా పాఠశాలల్లో ఏదైనా వేడుక జరిగితే చిన్నారులు చేసే సందడి అంతా ఇంతా కాదు. ఓ పాఠశాల వేదికపై ఈ బుజ్జి గణపయ్య పాటకు విద్యార్థులు వేసిన స్టెప్పులు నెటిజన్ల మనసు గెలుచుకుంటున్నాయి. యూనిఫాం ధరించి, ఎంతో క్రమశిక్షణతో, ముఖంలో అమాయకత్వం చిందిస్తూ ఆ చిన్నారులు వేసిన డ్యాన్స్ చూసి నెటిజన్లు ఫిదా అవుతున్నారు.
నెటిజన్ల కామెంట్లతో హోరెత్తుతున్న ఇన్స్టాగ్రామ్.. ఈ వీడియో పోస్ట్ చేసిన కొద్ది సేపట్లోనే లక్షలాది వ్యూస్, వేలాది లైకులతో దూసుకుపోతోంది.
"తల్లి తండ్రుల పెంపకం.. గురువుల శిక్షణ అద్భుతం" అని కొందరు..
"ఎంత క్యూట్ గా ఉన్నారో ఈ చిన్నారులు" అని మరికొందరు కామెంట్ల వర్షం కురిపిస్తున్నారు.
ముఖ్యంగా ఆ పాటలోని బీట్కు తగ్గట్టుగా చిన్నారులు చేసిన సింక్ అందరినీ ఆశ్చర్యపరుస్తోంది.
వినాయక చవితి తర్వాత కూడా ఈ పాట క్రేజ్ తగ్గకపోవడం, ముఖ్యంగా స్కూల్ ఫంక్షన్లలో ఈ సాంగ్ ప్రథమ ఎంపికగా మారడం విశేషం.
Comments