అచ్యుతాపురం ఘటనలో 17 మంది మృతి

Reactor Blast in Achyutapuram SEZ: కాసేపట్లో విధులు ముగించుకుని ఇంటికి వెళ్లిపోదామని హడావుడిలో ఉన్న సి‌బ్బందిపై మృత్యువు ఒక్కసారిగా వచ్చి మీదపడింది. ఉహించని పరిణామంతో ఉలిక్కిపడిన వారి ప్రాణాలు గాల్లో కలిసిపోయాయి. పేలుడు ధాటికి శరీర భాగాలు ఛిద్రమైపోయాయి. మంటల్లో కాలిన శరీరాలు, ముక్కలుగా ఎగిరిపడిన మాంసపు ముద్దలతో ఆ ప్రాంతమంతా భీతావహంగా మారింది. అచ్యుతాపురం సెజ్‌లో ఫార్మా కంపెనీలో చోటుచేసుకున్న ప్రమాదంలో ఇప్పటివరకూ 17 మంది మృతిచెందారు. మరో 40 మందికి గాయాలయ్యాయి.