వరదనీరు ఇంకేలా జీహెచ్ఎంసీ సూపర్ ప్లాన్

Rain Water Storage Tanks in GHMC : హైదరాబాద్ మహానగరంలో వర్షపు నీరు నిలిచే ప్రాంతాలకు ఊరట లభించనుంది. జీహెచ్​ఎంసీ గుర్తించిన 140 వరద నిలిచే ప్రాంతాల్లో ఎక్కడికక్కడే నీరు ఇంకిపోయేలా ప్రభుత్వం యుద్ధ ప్రాతిపదికన భూగర్భ సంపులను నిర్మిస్తోంది. 10 నుంచి 40 లక్షల లీటర్ల సామర్థ్యంతో పాటు 150 అడుగుల ఇంజక్షన్ బోర్‌వెల్స్‌ వేసి వరదను కట్టడి చేసేందుకు సిద్ధమైంది. ఈ మేరకు సుమారు రూ.20 కోట్ల రూపాయలతో జోన్‌కు 5 చొప్పున ప్రయోగాత్మకంగా భూగర్భ సంపుల నిర్మాణాన్ని జీహెచ్​ఎంసీ మొదలుపెట్టింది.