Kemal Monteno - „Кој да ти каже Ивана“
МАКФЕСТ 1987
Музика: Kemal Monteno
Текст: Ѓоко Георгиев
Аранжман: Ranko Rihtman
Kemal Monteno е роден во 1948 година во Сараево. Неговиот татко е Италијанец, а неговата мајка Босанка. Како ненадминат автор на хитови, засекогаш ќе бидат запаметени: „Jedne noći u decembru“, „Nije htjela“, „Sarajevo ljubavi moja“...
Негови нумери пееја сите ѕвезди на ју-сцената, меѓу кои Arsen Dedić, Zdravko Čolić, Oliver Dragojević, Tereza Kesovija, Gabi Novak, Mahir Paloš, Neda Ukraden, Ismeta Krvavac, Dražen Žerić, Paula Jusić... Kemal Monteno ќе остане запаметен и во овие наши македонски простори. Во 1987 година настапи на вториот по ред МАКФЕСТ со неговата композиција „Кој да ти каже Ивана“. Тој уште еднаш како автор и изведувач се појави на макфестовската сцена во 1990 година со композицијата „Јас бев твојот поет“, која подоцна ја препеа на српско-хрватски јазик под наслов „Ovako ne mogu dalje“ што ја отпеа во дует со Danijela Martinović. Последен пат на МАКФЕСТ настапи во 2010 година како гостин со негово шоу.
Kemal Monteno почина во 2015 година.
Comments