ଭୋଗରାଇ କାଳୀପୂଜା ମେଳା ଅଗ୍ନିକାଣ୍ଡ; ପାଉଁଶ ହୋଇଗଲା ୧୦ରୁ ଅଧିକ ଦୋକାନ, ଜଳିଗଲା ଦୋକାନୀଙ୍କ ସ୍ୱପ୍ନ

ବାଲେଶ୍ବର: ବାଲେଶ୍ବର ଜିଲ୍ଲା ଭୋଗରାଇ ଅଞ୍ଚଳରେ କାଳୀପୂଜା ମେଳାରେ ଭୟାବହ ଅଗ୍ନିକାଣ୍ଡ ଘଟିଛି । ୧୦ରୁ ଅଧିକ ଅସ୍ଥାୟୀ ଦୋକାନ ନିଆଁରେ ପୋଡ଼ି ପାଉଁଶ ହୋଇଯାଇଛି । ଦୋକାନରେ ଥିବା ଲକ୍ଷାଧିକ ଟଙ୍କାର ସାମଗ୍ରୀ ଜଳି ନଷ୍ଟ ହୋଇଯାଇଛି । ତେବେ ବିଦ୍ୟୁତ୍‌ ସର୍ଟସର୍କିଟ୍‌ରୁ ନିଆଁ ଲାଗିଥିବା ପ୍ରାଥମିକ ଅନୁମାନ କରାଯାଉଛି । 

 ଭୋଗରାଇ ଲକ୍‌ ନିକଟରେ କାଳୀପୂଜା ଅବସରରେ ଏକ ମେଳା ଆୟୋଜିତ ହୋଇଥିଲା । ମେଳାରେ ବିଭିନ୍ନ ପ୍ରକାରର ଅସ୍ଥାୟୀ ଦୋକାନ ଖୋଲିଥିବା ବେଳେ ବହୁ ସଂଖ୍ୟାରେ ଲୋକଙ୍କ ସମାଗମ ହେଉଥିଲା । ଏହି ସମୟରେ ରାତିରେ ହଠାତ୍ ଗୋଟିଏ ଦୋକାନରୁ ନିଆଁ ବାହାରିଥିଲା । ଦେଖୁ ଦେଖୁ ନିଆଁ ନିକଟସ୍ଥ ଅନ୍ୟ ଦୋକାନଗୁଡ଼ିକୁ ବ୍ୟାପି ଯାଇଥିଲା । ଫଳରେ ମେଳା ପରିସରରେ ଆତଙ୍କ ଖେଳିଯାଇଥିଲା । ନିଆଁର ପ୍ରକୋପ ଏତେ ଅଧିକ ଥିଲା ଯେ, ଅଳ୍ପ ସମୟ ମଧ୍ୟରେ ୧୦ରୁ ଅଧିକ ଅସ୍ଥାୟୀ ଦୋକାନ ଜଳିପୋଡ଼ି ସମ୍ପୂର୍ଣ୍ଣ ନଷ୍ଟ ହୋଇଯାଇଥିଲା । ଖବର ପାଇ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା । ଫଳରେ ନିଆଁ ଅଧିକ ଦୋକାନକୁ ବ୍ୟାପିବାରୁ ରୋକାଯାଇପାରିଥିଲା । ଦୋକାନଗୁଡ଼ିକରେ ରଖାଯାଇଥିବା ବିଭିନ୍ନ ସାମଗ୍ରୀ, ବ୍ୟବସାୟିକ ଉପକରଣ ଓ ଅନ୍ୟାନ୍ୟ ଜିନିଷ ନିଆଁରେ ଭସ୍ମୀଭୂତ ହୋଇଯାଇଛି । ଏହି ଅଗ୍ନିକାଣ୍ଡ ଯୋଗୁଁ ଦୋକାନୀମାନଙ୍କର ଲକ୍ଷାଧିକ ଟଙ୍କାର କ୍ଷତି ହୋଇଥିବା ଜଣାପଡ଼ିଛି । କାଳୀପୂଜା ମେଳାରେ ଏଭଳି ଅଘଟଣ ଘଟିବା ପରେ ଦୋକାନୀମାନେ ହତାଶ ହୋଇପଡ଼ିଛନ୍ତି । ବର୍ଷକର ପୂଜା ମେଳାକୁ ଆଧାର କରି ବ୍ୟବସାୟ କରିବାକୁ ଆସିଥିବା ବ୍ୟବସାୟୀମାନଙ୍କର ସମସ୍ତ ସାମଗ୍ରୀ ଆଖି ପିଛୁଳାକେ ଜଳିଯିବାରୁ ସେମାନେ ଆର୍ଥିକ କ୍ଷତିର ସମ୍ମୁଖୀନ ହୋଇଛନ୍ତି । ତେବେ ବିଦ୍ୟୁତ୍‌ ସର୍ଟସର୍କିଟ୍‌ ହିଁ ଏହି ଅଗ୍ନିକାଣ୍ଡର କାରଣ କି ନୁହେଁ, ତାହା ତଦନ୍ତ ପରେ ସ୍ପଷ୍ଟ ହେବ । ଏହା ମଧ୍ୟ ପଢ଼ନ୍ତୁ...ବାଣରୁ ଘରେ ଲାଗିଲା ନିଆଁ: ନାତି ମୃତ, ଜେଜେ ଗୁରୁତରଦୀପାବଳିରେ ଅଘଟଣ: ମଧ୍ୟପ୍ରଦେଶରେ ଗୋଟିଏ ପରିବାରର 6 ସଦସ୍ୟଙ୍କ ସମେତ 13 ଜୀବନ୍ତ ଦଗ୍ଧଇଟିଭି ଭାରତ, ବାଲେଶ୍ବର