Gaddar Award UNITY The Man of Social Justice 2026 : చేనేత మగ్గం ఓ పక్కన లయబద్ధంగా సాగుతుంటే ఆ శబ్దం వెనుక ఉన్న కష్టం, దారం వెనుక ఉన్న చరిత్రను ప్రపంచానికి చాటి చెప్పాలనుకున్నాడు ఆ యువకుడు. చేనేత కుటుంబంలో పుట్టి, మగ్గం పని చేస్తూనే తనలోని సృజనాత్మకతకు పదును పెట్టాడు. తెలంగాణ చరిత్రను, సంస్కృతి ని లఘు చిత్రాల ద్వారా వెండితెరపై ఆవిష్కరిస్తూ ప్రతిష్ఠాత్మక 'గద్దర్ అవార్డు' అందుకున్నాడు. యాదాద్రి భువనగిరి జిల్లా భూదాన్ పోచంపల్లికి చెందిన యువ దర్శకుడు విజయ్ కుమార్.చేనేత వృత్తిలోని సాధకబాధకాలను చూసి : ఈ యువకుడి పేరు బడుగు విజయ్ కుమార్. యాదాద్రి భువనగిరి జిల్లా భూదాన్ పోచంపల్లి స్వస్థలం. తల్లిదండ్రులు బలరాములు, ఇందిరమ్మ. వీరిది మధ్యతరగతి చేనేత కుటుంబం కావడంతో విజయ్ చిన్నప్పటి నుంచే మగ్గం పనిలో మెలకువలు నేర్చుకున్నాడు.
Comments