मुख्यमंत्री – माझी लाडकी बहीण योजना | महिलांच्या सन्मानासाठी सरकारचा मोठा निर्णय

3 minutes ago

महाराष्ट्र शासनाने महिलांच्या सन्मान, सुरक्षितता आणि आर्थिक स्वावलंबनासाठी मुख्यमंत्री – माझी लाडकी बहीण योजना सुरू केली आहे. या योजनेअंतर्गत पात्र महिलांना दरमहा १,५०० रुपये थेट बँक खात्यात जमा केले जाणार आहेत. म्हणजेच वर्षाला १८,००० रुपयांची आर्थिक मदत मिळणार आहे. ही मदत कोणत्याही दलालाशिवाय, थेट DBT पद्धतीने लाभार्थी महिलांच्या खात्यात जमा होणार आहे. १८ ते ६५ वयोगटातील विवाहित, विधवा, घटस्फोटित आणि परित्यक्ता महिलांना या योजनेचा लाभ घेता येणार आहे. अर्ज प्रक्रिया ‘आपले सरकार’ पोर्टल किंवा CSC केंद्रातून सोपी आणि सुलभ ठेवण्यात आली आहे. महिलांना सक्षम बनवण्याच्या दिशेने हे महाराष्ट्र शासनाचे महत्त्वाचे पाऊल मानले जात आहे.