పేదవాడు ఆకలితో ఉంటే సమాజానికి మంచిది కాదు: సీఎం

CHANDRABABU VISITS HANDRI NEEVA: సమాజంలో అందరూ సంతోషంగా ఉండాలని, సంపద, ఆరోగ్యం, ఆనందం ఇవే తమ ప్రభుత్వ నినాదాలు అని సీఎం చంద్రబాబు నాయుడు అన్నారు. అనంతపురం జిల్లాలో హంద్రీనీవా పనులను సీఎం చంద్రబాబు పరిశీలించారు. అక్కడ పనులు జరుగుతున్న తీరును గమనించారు. ఈ సందర్భంగా ఏర్పాటు చేసిన సభలో సీఎం మాట్లాడారు. ప్రజల ఆరోగ్య వివరాలను డిజిటల్ రికార్డు చేస్తామని, ఎవరు ఏ వైద్యుడి దగ్గరకు వెళ్లాలో చెబుతామని సీఎం అన్నారు. ఏ ఆహారం తీసుకోవాలి, ఎంత మోతాదు తీసుకోవాలో తెలుసుకోవాలి అనే విషయాలను సైతం వివరిస్తామని చెప్పారు.