సెకి ఒప్పందంపై అభ్యంతరాలన్నీ తూచ్‌

Jagan ignored Suggestions on SECI Agreement : సెకి నుంచి 7 వేల మెగావాట్ల సౌర విద్యుత్‌ కొనుగోలు ఒప్పందంపై ఇంధన, ఆర్థిక శాఖలతో పాటు APGECL, RLDC వంటి విభాగాల సీనియర్‌ IAS అధికారులు, నిపుణులు దీనిపై ఎన్నో అభ్యంతరాలు వెలిబుచ్చారు. రాష్ట్రంపై అదనపు భారం పడకుండా ఒప్పందాన్ని పరిశీలించాలని సూచించారు. వాటన్నింటినీ జగన్‌ ప్రభుత్వం ఉద్దేశపూర్వకంగా బేఖాతరు చేసింది. అధికారులు, నిపుణుల అభ్యంతరాలు, సూచనలపై సెకితో సంప్రదింపులు జరిపి నివేదిక ఇచ్చే బాధ్యతను APPCCకి అప్పగించింది. అయితే అధికారులు, నిపుణుల అభ్యంతరాలు, సూచనల్లో ఒకటి రెండు మాత్రమే పరిగణనలోకి తీసుకుని, ఆ కమిటీ తూతూ మంత్రంగా నివేదిక ఇచ్చింది.