पुण्यात गेल्या तीन महिन्यांपासून लकडी पुलावरील मेट्रोच्या कामाला स्थगिती देण्यात आली होती. हे थांबलेले काम सुरु करण्याचे आदेश पुणे महानगर पालिकेचे महापौर मुरलीधर मोहोळ यांनी दिले. मेट्रो लाईनमध्ये बदल करणे शक्य नसल्याचा मेट्रोचा अहवाल आल्यानंतर हा निर्णय घेण्यात आला असून गणपती विसर्जन मिरवणुकीसाठी मेट्रोची उंची वाढवावी अशी मागणी गणेश मंडळानंतर्फे करण्यात आली होती. मंडळांनी अनेक पर्याय देखील सुचवले होते पण ते पर्याय अव्यहार्य असून मंडळांनी सुचवलेल्या पर्यायामुळे ७० कोटींचा खर्च आणि दोन वर्षांचा वेळ वाढणार होता.
